Daaniyel 2:49 - NABUWWA KEE MALIKWA

⁴⁹ Daaniyel malikik, «Sadrak kee Meesak kee Qabednago deqsita mara, Baabelon-rakaakayih caagiidah abbobti ken aba» iyyeeh, malik toh abe. Daaniyelih tu gactek, malik-qaril elle raaqe.

Daaniyel 2:49 ပူးပေါင်းရင်းမြစ်များ

Aster 2:19

Baxuw nammayhaak gaaboysen saaku, Mordakay malik qarih taamah abbootan luk suge.

Aster 2:21

Mordakay malik qarih taamah abbootan gee dabaanal, Bigtaana kee Teres deqsita namma numuy seelabu lehiyya malik addal akak xiina golit dacayrih yenen. Too namma num Malik-Ekserkasat kaxxam bagcarritteeh, tonna leemiik nammayak kaa qidaanamal malsen.

Aster 3:2

Malik kay gubal taamitta 'ya marak inkih, «Haaman yamaate waqdi, massakaxxah gulubuh gacca 'teenih gommoh kaah rada» 'yaanam iyye. Mordakayak kalih mari, malik keenik akah iyye innah, kaa ubulla haan waqdi, gommoh kaah radak yenen.

Ermiyaas 39:3

Yarusalaam-magaala tibbixsime waqdi, Baabelon-malikih-qaskarak kaxxa abbobtih yen mari inkih, Fanti-Afa deqsita aracal daffeen. Tokkel daffeytem, Nergal-Sarexer deqsita num kee Samgar-Nabo deqsita num kee Sarsakim deqsita num kee, gersi Nergal-Sarexer deqsita numuy doolatat kaxxa arac lehiyya edde yen.

Daaniyel 1:17

Yalli woo affara numuh falsafat kee kitaabal tunkuttubeemih ixxiga keenih yecee. Toh lih kaadu Yalli Daaniyelih suwaawur kee soonok maqna elle yaaxige'nna kaah yecee.

Daaniyel 1:7

Malik gubal taamita num woo marah qusba migaq yeyyeeqe. Migaaqah keenik, Daaniyel deqsita numuk, Beltasaxxar iyyeeh; Cananyak Sadrak iyyeeh, Misaayelik Meesak iyyeeh, Qadarya deqsita numuk Qabednago 'yaanam keenih yeyyeeqe.

Daaniyel 2:17

Sarrak Daaniyel buxah gexeeh, Cananya kee Misaayel kee Qadaryay kay kataysiisih tanihiyyah tikka 'tem inkih keenih warse.

Daaniyel 3:1

Malik Nabkadnessar dahabak bicsen ceeloy xexxaarah lactam cusul takkeeh, baguh kaadu lica cusul takkehiyya bicseh, Baabelon rasuk Duura deqsitta booxal soolise.

Daaniyel 6:2

Toh lih kaadu woo abbobti abta taama wagtaana'gidih, Daaniyel kee gersi namma num reedise. Malik isih taqbe waa'gidih, xinto meqe'nnal gexxa'gidih, woo sidiica num reedise.

Qaamus 5:15

Umam inqibaay, meqem ikcina. Cokmi maroh addal, cokmi qadaalatat akah yakke'nnah aba. Tonnal YALLAY Nabaamak Naba Dagelta kinnihiyya Israayil ummatak baatik saaboh raaqe marah yamqem takkeh. Keenih racmatam takkeh.