Daaniyel 2:44 - NABUWWA KEE MALIKWA

⁴⁴ «Too malikwah dabaanal, qaraanal yan Yalli baye wayta doolat xisele. Too doolatak faxe doolat mataysaay; sugte doolatwa bayissa hayteh elle raaqeleeh waarele.

Daaniyel 2:44 ပူးပေါင်းရင်းမြစ်များ

2 Samuwel 7:13

Qibaadâ-Qari yoh xissu waytam, ku xaylok too numu. Kay reeda baxak baxal akah raqta'nnah abeyyo.

2 Samuwel 7:16

Ramad kok mabayaay, ku ramad kee ku doolat elle raaqeleeh, kulli way waarele› kaak inxic» iyye.

Yasaqya 60:12

Takkay immay koh taamite wayta doolatwa bayele; ken baaxo abuuruh raaqele.

Yacedkel 37:25

Dabaaqah, yi naqasuh yan Yaqkuubuh ecee baaxoy oson akak raden ken kaxxa abbobti duma elle sugtel gacelon. Tokkel keeniiy ken xaylo kee ken ramad guubuh gacele. Too rasi kulli way kenim akkele. Yi naqasu Malik Dawud innah yan malik tokkel ken xiinisele. Kulli way abbah keenik waarele.

Daaniyel 2:28

Takkay immay Yallay qaraanal yanihiyya sirrih tanim yableeh yaybulle. Yalli, atu xiinit sugte waqdi, sarra yan saaku takku waytam koo yuybulleeh yan. Tublem aham teeti:

Daaniyel 2:34

Atu woh wagitak sugte waqdi, kaxxa xaa, num gabah kaa xage'kal, qalek baxsimma 'yeeh, rade. Woo ceeloh-ibay kalla kee birtak bicseenihiyyat boodeeh butukku hee.

Daaniyel 2:35

Woo waqdi woo birta kee kallaay, nacaasaay lakqo kee dahab inkih, inki-adda caffa tekkeeh, caacay woo caffak raat cabe'kal inkih beeh. Takkay immay woo kaxxa xaa, baaxo inkih dudda qale yekke.

Daaniyel 2:37

«Malikow, atu kulli malikwak naba malik kinnito. Qaraanal yan Yalli baaxok inkih amoyta koo abeeh, qande kee milkiiy migaq inkih koh yecee.

Daaniyel 2:43

Tonnah kaadu birtay kallat yesgelleenihiyya tubleeh; tohumuk maqna kaadu, woo doolatih malikwa doolat qande bahsiisaana'gidih, baxak ballis akkelon. Takkay immay wohim birta kee kalla yasgalleenimih bis aallele.

Daaniyel 4:3

Yalli nee yaybulle qagabak tanim manxu nabna le; usuk abe ablewaynuh tanim kaxxa cayla le. Waara malikih tanim, Yalla. Kulli way mulki lem, Yalla.

Daaniyel 4:34

Woo malcina sanat tatrek lakal malik iyyeemih, «Qaraanay Yalli elle yani wagga hee waqdi, kas yol gaceeh, too waqdi Yallay inkih daga raaqahiyyah candu gacseeh; kaay waarahiyya fayliseeh, essekexxeh. Kay mulki kulli way waara; Kay xinto ummaan waarele.

Daaniyel 6:26

Yi xintoh gubat yan maraw, kulli num siinik Daaniyel yaqbude Dageltak meysitaah kaa yassakaxxem siinil amrisa. Waara Yalli kaa kinniih; ummaan way waarele. Kay xinto way mabaata. Kay abbootan mayamurruqa.

Daaniyel 6:27

Umaanek cattaah waddam kaa. Able weeniih aabbe weenim, qaran kee baaxô-bagul abtam kaa. Lubookah afak Daaniyel cattem usuk yaqbude Dagelta» 'yaanam iyye.

Daaniyel 7:27

Addunyal enna 'ya marih xintoh qande kee nabna, Yallay inkih daga raaqahiyyah ummattah aceelon. Ken daadarinni, ambaxe sinniih waara daadarinna. Xintoh abbobtiy a addunyah bagul enna 'tahiyya inkih ken akdumelon, amri keenik oggolelon› yok iyye.

Daaniyel 8:25

Usuk sahda ayriseleh, sahda elle ayrisinnaanim gabal kaah bicele. Kaxxam isit akkeleleh, mango maritteetah aylahu kale'kal annaak ken qidele. Kulliimik daga raaqa malikih yab kinni way cinele. Takkay immay sarrak sahdayti qande akke sinni qandeh gabat bayele.

Miika 4:7

A mari aymiteeh, buxak yexxeere marah yaniini'mmay, meqe bica keenit abeyyo. Too mari kaxxa doolat akkele. Siyon Qaleh amol too ayrok wadir anu innih ummaan waqdi keenil ackumeyyo.

Caggay 2:22

Too saaku marin doolatwa deerik afah korseyyo. Luk suggu 'yen qande keenik bayseyyo. Carbi edde aban gaariira kee woo faras-gaariira beya mara kombobboliseyyo. Faroosa kee faroosah amot yan mari rabeleeh; seefit titta selele.

Caggay 2:7

Baadal tan doolatwa asgayyeyyooh; luk sugen gadda keenik akke bahha heeyyooh; yi qari gaddaliinok kibbiimele.