Daaniyel 2:40 - NABUWWA KEE MALIKWA

⁴⁰ Tohuk lakal fereyhaytô doolat amaatele. Too doolat qandeh birti innah gaceleeh, teetik duma sugte doolatwa aggiggile leeh bututtukku heele.

Daaniyel 2:40 ပူးပေါင်းရင်းမြစ်များ

Ermiyaas 15:12

Tonna'mmay birta gabah yaggilu duuda num mayan. Axcihiiy kilbat le kabuk yamaate birtay nacaas agleh lehiyya yaggilu duuda num mayanam ixig› yok iyye.

Daaniyel 2:33

Lak akak birtak bicseenih yeneeniih; ibittek garab akak bicseenim, birta kee kallak ten.

Daaniyel 2:39

«Kok lakal gersi doolat amaatele'mmay, ku doolatih gide nabnak matalla. Ku lakal tamaatu wayta sidochaytô doolatay nacaas inna le, inkih tan baaxo xiinisele.

Daaniyel 2:41

Woo ceelok ibittey birta kee kallak yesgelleenihiyya tuble. Tohuk maqna too doolatih addal sittin-way akkele 'yaanama. Kalla kee birtay agleh tanik, woo doolatak garab caylah birti inna aallele.

Daaniyel 7:7

«Anu tohih wagittot an waqdi, too wacyil fereyhaytoh ali yemeete. Too ali kaxxa qande luk yeneeh kaxxam akak meysitan alay cunxo sinaamat qidahiyyak ten. Kaxxa moddiiniy biriitah yanihiyyat qide mara kitif kitif heeh yokme. Sarrak wohuk raqteemik amot taqqa 'ye. Too ali gersi alluwwah inna hinna'mmay tabna gaysa luk yen.

Daaniyel 8:24

Ta malik kaxxa qande baahele'mmay, woo qande isih le qande hinna. Ta malik kaxxam gibdi baatil baaxoh addal uguuguseleeh; abba haam gabal kaak bicele. Qande le mara kee Yallih ummatta kaadu baysele.

Daaniyel 9:26

Too waktih ellecabot Yalli doore mirac tu luk suge waak, kaa qidelon. Woo magaala kee Yallih Qibaadah-Qari, qande le malikih qaskaray woo magaala tibbixehiyyah gabat finqitele. Ahimih ellecabo, Yalli bicse carbi kee finqa gabat luk, weeqi'nnah amaatele.

Qaamus 1:3

Qaamus iyyeemih, «Aham YALLI iyyaama. ‹Suuriyah mari fiiruk geerah dambi le taama abeenih; tohuk gexxaamah ken digaaleyyom digga le. Gilqad maral umaane baahak, nacrurta sinni xintot ken abbaxuk sugen.