Daaniyel 2:4 - NABUWWA KEE MALIKWA

⁴ Oson too waqdi Suuriyah afat kaal gacseenimih, «Malikow, ku qumri waaray. Tuble soono neh waris, maqna akak koh warsennok» kaak iyyen.

Daaniyel 2:4 ပူးပေါင်းရင်းမြစ်များ

1 Malikwa 1:25

«Ta saakih ayro sadgatah awurwa kee nagay mulkuqusen rugaage kee mango illi qideeh, too sadgatah ku xayloh inkih seece. Qaskar abbah yan Yowab kee sek Abiyataarah edde seece. Too mari taway too sadgatih makum kee maqubut kaa'lih yaniih, ‹Malik Qadoona ani haay! Malik Qadoona ani haay!› axcuk yanin.

1 Malikwa 1:31

Too waqdi Batsabaq kay massakaxxah qununna 'te. Sarrak, «Yi amoytih qumri yaxxeeray» kaak inte.

2 Malikwa 18:26

Usuk too yaabak gaba kale waqdi, Elaakim kee Sebna kee Yowac kaak intemii, «Ni abbaw, nanu naaxigem Suuriyah afak woo afat yaabaay ama. Qibraan afay edde yabtahiyya a magaalah-gidaaral yan mari inkih yaabbeh; edde mayaabin» iyyen.

Qedra 4:7

Tonnah kaadu Artacsasta deqsita malik Fursi-rasul dardaare dabaanal, Bislam kee Mitradat kee Tabqel kee ken waday too malikih warkat uktubba hayteh kaah rubte. Too warkat edde yuktubeenim, Suuriyah afak teneeh; sarra warkat intam kaah warsen.

Nacmiya 2:3

sarrak kaak exceemih, «Yi malikow, qumri kok yaxxeeray. Yi kaxxa abbobtih kabri elle yan magaala abur tekkeeh, tet akak culan culma carriseenih; tah inkih aaxagih faxe-waynaan mannal sinniyo?» exce.

Yasaqya 36:11

Usuk too yaabak gaba kale waqdi, Elaakim kee Sebna kee Yowac kaak intemii, «Ni abbaw, nanu naaxigem Suuriyah afak, woo afat yaabaay am. Qibraan afay edde yabtahiyya a magaalah-gidaaral yan mari inkih yaabbek; edde mayaabin» iyyen.

Yasaqya 44:25

Ginnili kee kalluwalle dirableela kinnoonum aybullee. Faal qida mara kee cutuk-beya duquura kinnoonum aybullee. Sahda le ixxiga, iggima kinnim keenik aybullee.

Daaniyel 1:4

Ta mari yi qarih addal taamita'gidih, xagar qax-maqaane leeh hebeltoh ayma aalle waa maray kas kee cubbiiy ixxiga kee baritto lehiyya yakkeenim faxxinta» iyye. Asfanad, Baabelon marih af kee woo afat tunkuttubem, too mara barsam faxximta.

Daaniyel 2:7

Too waqdi a mari kaal gacseemih, «Naharak atu tuble soono neh warisaay maqna nel akak cab» kaak iyyen.

Daaniyel 3:9

Malikik iyyeemih, «Malikow, qumri kok waaray!

Daaniyel 4:19

Daaniyel tah yoobbe waqdi wariggiteeh, dago waktit iyyam magenna. Malik kaak iyyeemih, «Beltasaxxaraw, a soonok intu waytaamak mameysitin» iyye. Too waqdi Beltasaxxar kaal gacseemih, «Malikow, a soono edde yabtam koo hinnay ku naqboytiitit takkem faxak en!

Daaniyel 4:7

Too seecol faal-qidaay baab-abeenitiiy cutuk-beya kee ramli-qidak num raaqe'kal inkih temeete. Too waqdi anu uble soono keenih warseh immay, too soonoh maqna keenik num yoh warisu yeffereh.

Daaniyel 4:9

‹Beltasaxxaraw, tu-taaxago-miraacow, kudduusuk tan yallitteh roocaaniyya kot tanim aaxigeeh, atu iginto sirri mayan. Anu uble soono koh warisu waak, teetik maqna yoh warsetto› kaak exce.

Daaniyel 5:10

Malik-ina, malik kee kay muddaqiyyi abah yan waxxaqto toobbe waqdi, afxago elle xagak sugen qari culte. Too waqdi, «Malikow, qumri kok waarayik, a gide mankakkaqinaay annah magacin.

Daaniyel 5:8

Too mari inkih kutbe fan xayyooweh; takkay immay aham num keenik yakrayu yeffereh. Malikih a kutbe intaamih maqna warsa num keenit mageytiminna.

Daaniyel 6:21

Daaniyel kaal gacseemih, «Malikow, qumri kok waaray!

Daaniyel 6:6

Tonnal kaak aboonu waanamal malissa heeniih; tohuk wadir Malik Daryawesil yemeeteeniih, iyyeenimih, «Malikow qumri kok waaray!

Daaniyel 6:7

Neey ku xintoh gubal abbootan lehiyyay garab akak taamita marih amô-wagittot yaniih garab xintoh abbobtih akak yaniih garab kaadu xintoh abbobtih gubal yan mara kee doolat abbootan elli haa marak titta elle geyneemih: soddom ayroh gide koo akke waytek, gersi mara kee faxinnaan yallal num tu essere waamal bicnek, atu toh xintô-madqa takke'gidih amri ucuy. Ta amri cininnaan num lubooka edde tan boodoh addat nek qid» iyyen.

1 Samuwel 10:24

Sarrak Samuwel ummattak iyyemii, «YALLI doorem tama numuuy; kay xaqan le num ni addat mayan» keenik iyye. Sarrak ummatta inkih anay fayya haak, «Ani haay malik! Ani haay malik!» iyyen.