Daaniyel 2:39 - NABUWWA KEE MALIKWA

³⁹ «Kok lakal gersi doolat amaatele'mmay, ku doolatih gide nabnak matalla. Ku lakal tamaatu wayta sidochaytô doolatay nacaas inna le, inkih tan baaxo xiinisele.

Daaniyel 2:39 ပူးပေါင်းရင်းမြစ်များ

Yasaqya 44:28

Kooris deqsita numih giddinaamak, ‹Usuk yi aftok baaxo xiinisele› 'yaanam axce. ‹Anu aba kaak axcem abele. Yarusalaam magaala nammayhaak akah xissinta innah amri aceele. Yallih Qibaadah-Qarih-rakiibo xisele› 'yaanam axce» iyye.

Daaniyel 10:20

«Usukuuy, ‹Anu koo fan akah emeetem maay taaxige? Woo Nummâ-Kitaabal tanim koh qaddoysa'gidi. Taway uduurra exceh, Fursih marat dacayrih yan malaykattut qeebi abeyyo. Woo malaykattuk gexa waqdi, Giriik marat dacayrih yan malaykatti amaatele. Mikaayiliy Israayil marat dacayrih yani, kalih malayka yoo macatta.

Daaniyel 2:32

Amo akak nabam meqe dahabak bicseenih yenen. Alil kee gaboobi akak lakqok bicseenih yenen. Axca kee mayxay akak nacaasak bicseenih yenen.

Daaniyel 2:38

Baaxô-bagul tan ummattaay, alluwwe kee haadah abbootan inkih koh yecee. Woo soonol tuble dahabak bicsen amo, koo.

Daaniyel 2:40

Tohuk lakal fereyhaytô doolat amaatele. Too doolat qandeh birti innah gaceleeh, teetik duma sugte doolatwa aggiggile leeh bututtukku heele.

Daaniyel 7:23

«Lih yaabak en num, ‹Tohuk maqna ah teeti› yok iyye. ‹Fereyhaytoh ali, fereyhaytô-doolatay tamaatu waytahiyyaay; too doolatat gersi doolatwak baxsa aallele. Baaxol suggu 'teemit inkih ibah aaqatuk baysele.

Daaniyel 8:20

Woo tuble maruyuy namma gaysa luk yenehiyyak maqna Meediya kee Fursih marih xinto.

Daaniyel 8:21

Dabeelak maqna Giriik baaxoh abbootan 'yaanama. Kay namma intih fanak tewqe gaysay gersi gaysoosik giffa 'tahiyya keenik naharsi maliki.

Zakariyya 6:3

Sidochaytô gaari beyta faroosa qaduk ten. Fereyhaytô gaari beyta faroosa gayrinuk ten.

Zakariyya 6:6

Woo data faaris beyta gaari kilbat fan gexxaah; qado faaris beyta gaari ayrô-culma fan gexxa. Gayrin faaris beyta gaari gabbi-qaxat raqta baaxo fanah gexxa» yok iyye.