Daaniyel 2:37 - NABUWWA KEE MALIKWA

³⁷ «Malikow, atu kulli malikwak naba malik kinnito. Qaraanal yan Yalli baaxok inkih amoyta koo abeeh, qande kee milkiiy migaq inkih koh yecee.

Daaniyel 2:37 ပူးပေါင်းရင်းမြစ်များ

1 Malikwa 4:24

Suleeman Furaat-weeqaytuk ayrô-culma le kabut raqqa 'ta baaxok, Tifsac-rasuk xabba haanamaay Gaadâ-magaalah amma 'yaanam tan baaxo isi milkih hee. Furaat-rasuk ayrô-culma le kabut raqta baaxol sugte malikwa inkih kay gubat gacte. Cuggaaneh kaak tan baaxooxah mara kee kay fan kaxxam muquk ten.

2 Malikwa 25:28

Tohuk lakal meqem kaah abakaay, Baabelon fan seewah been malikwak inkih, tayse kunnabna kaah abak suge.

2 Aydaad 36:23

Too warkat axcuk teneemih, «A warkatal yan amri taceem, yooy Kooris migaq leeh Fursi-malik kinnihiyya. YALLAY qaraanal yan Dagelta kinnihiyya inkih yan baadak abba yoo abeeh; Yuudâ-rasuk Yarusalaam magaalal kay Qibaadah-Qari xisaamih abbootan yoh yecee. Tonna'mmay ta saaku YALLIH maraw, tokke gexaay; YALLI muquk sin beyay» 'yaanam elle ten. Taham akkelem kaadu YALLI dumaak nabi Ermiyaas afat warseh suge.

Qedra 1:2

Too warkat axcuk yeneemih, «A warkatal yan amri taceem, yooy Kooris migaq leeh, Fursi-malik kinnihiyya. YALLAY qaraanal yan Dagelta kinnihiyya inkih yan baadak abba yoo abeeh; Yuudâ-rasuk Yarusalaam magaalal kay Qibaadah-Qari xisaamih abbootan yoh yecee.

Qedra 7:12

Too warkatal axcuk yeneemih, «A warkat rubtam, yoo kaxxa amoytah yan Artacsasta. Akah ruubam, sek Qedray qaraanal yan Yalli ruube xinto intam yaaxigehiyya. Naharak salaamatta kol qida.

Yasaqya 10:8

annah axcuk tirtirisaah, ‹Yi qaskarih abbobtik kulli num maliki.

Yasaqya 47:5

YALLI Baabelon marak iyyemii: «Tibba inxicay dite le aracat ombooqora. Baabelon mari doolatwa abbobtih yanin 'yaanam ahaysa siinik m'iyyan.

Ermiyaas 28:14

‹YALLAY Nabaamak Nabah, Israayil doore Dagelta kinnihiyya, Aham fanah Baabelon-malik cooxuk bicsen madmad fillal akak abbaxuk suggu 'ye marak, ahak wadir meqe'nnah kaah taamitaana'gidih, birtak bicsen madmad fillal keenik heeyyo. Tohuk wadirih kay taamat gaceloonuuh, kay taama abelon. Sahda hinna'mmay, alluwwah agantah, kay milkih xiinele› 'yaanam kaak inxic» kaak iyye.

Ermiyaas 34:1

Baabelon malikiy migaaqah Nabkadnessar deqsitak yenehiyya, isi qaskar kee usuk amol akak raqqa 'ya doolatwah qaskar haysitta heeh, Yarusalaam magaala kee tet dariifal tan magaaloolit qeebi abak yen saaku, YALLI Ermiyaasal qangara oobise. Kaak iyyeemih,

Yacedkel 26:7

YALLAY Mulki lehiyya kaadu qagseh iyyeemih, «Suur aysibixe'gidih, Baabelon-malikiy malikwak inkih nabahiyya baaheyyo. Kay migaq Nabkadnessar. Ta malik kilbat le kabuk kaxxa qaskar kee, faras amok qeebi abta qaskar kee, faaris-gaariira luk amaatele.

Daaniyel 1:2

Goyti, Yuudâ-malikih yen Yahoyaakim kee Yallih Qibaadah Qarih addal sugte duyyek garab, Baabelon malikih gabat akah tantixibbixe innah abe. Too malik sahdak tu takkem seewah gabat beeh, dannabah kaadu Yallih Qibaadah Qarik been duyye orbise. Too duyye yalla axcuk yaqbudeemih xise qarik duyye elle daanisan aracal hee.

Daaniyel 2:31

«Taway tuble soono koh warisu waa. Malikow, gabak bicsen ceeloy kaxxam nabahiyya foocal soolah isik tuble. Woo-ceeloh-ifi bixiq axcuk yeneeh, intih yabloonu xiqaanamak manannon.

Daaniyel 2:44

«Too malikwah dabaanal, qaraanal yan Yalli baye wayta doolat xisele. Too doolatak faxe doolat mataysaay; sugte doolatwa bayissa hayteh elle raaqeleeh waarele.

Daaniyel 4:19

Daaniyel tah yoobbe waqdi wariggiteeh, dago waktit iyyam magenna. Malik kaak iyyeemih, «Beltasaxxaraw, a soonok intu waytaamak mameysitin» iyye. Too waqdi Beltasaxxar kaal gacseemih, «Malikow, a soono edde yabtam koo hinnay ku naqboytiitit takkem faxak en!

Daaniyel 4:22

Malikow, too caxa koo kinni. Atu naba malikiy kaxxa qande le tekke. Kaxxam tembeeh, abbootan kok qaran gufeeh, qande kok addunyâ-bagul fixixxeh.

Daaniyel 4:25

Sahdak koo baxseloonuuh; alluwwa lih dabqih gacetto. Malcina sanatih gide laahi innah qayso akamuk, gubbik bagul xiinetto. Qaraanak ooba naafi xagar kok arqusele. Too waqdi sahdayti le abbootan tamlikem, Yallay inkih daga raaqahiyya kinnim aaxigettooh, tet kaadu isih faxe marah yacayu waam aaxigetto.

Daaniyel 4:3

Yalli nee yaybulle qagabak tanim manxu nabna le; usuk abe ablewaynuh tanim kaxxa cayla le. Waara malikih tanim, Yalla. Kulli way mulki lem, Yalla.

Daaniyel 4:32

sahdak koo baxissa heenih dabqih alluwwa lih gacetto. Malcina sanatih gide laahi innah qayso akamuk sugetto. Sarrak Yallay inkih daga raaqahiyya a addunyah abbootan yamlikeeh, isih faxe marah yacayu duudam aaxigetto» kaak iyye.

Daaniyel 4:34

Woo malcina sanat tatrek lakal malik iyyeemih, «Qaraanay Yalli elle yani wagga hee waqdi, kas yol gaceeh, too waqdi Yallay inkih daga raaqahiyyah candu gacseeh; kaay waarahiyya fayliseeh, essekexxeh. Kay mulki kulli way waara; Kay xinto ummaan waarele.

Daaniyel 5:18

Malikow, Yallay kulliimik daga raaqahiyya ku abbah yen Nabkadnessar kaxxa malik abeeh migaq kee heebatiiy nabna kaah yecee.

Daaniyel 7:14

Too waqdi mango baaxoh tooboke ummatta kee mango kedoodah tan ummattaay, tonnah kaadu, mariy isi afat akak yaaba inkih, kaa akah taqbude'nnah, too sahdaytuh ceelot yan numuh, nabna kee malikanni qande tontocowweeh ten. Usuk le abbootan waara abbootanak ten. Kay dardaarinni gaba kala dardaarinna hinna.

Hosiqa 8:10

Tonna'mmay ta saaku yakkeenimik gaabossa ken heeh, ken digaaleyyo. Assuuriyah malik keenit xukkutu waa saaku, keenit yakkeh yan biyaakah iihiselon.