Daaniyel 2:34 - NABUWWA KEE MALIKWA

³⁴ Atu woh wagitak sugte waqdi, kaxxa xaa, num gabah kaa xage'kal, qalek baxsimma 'yeeh, rade. Woo ceeloh-ibay kalla kee birtak bicseenihiyyat boodeeh butukku hee.

Daaniyel 2:34 ပူးပေါင်းရင်းမြစ်များ

Yasaqya 28:16

YALLAY Mulki le tohuh iyyamaa, «Siyoonul yigirriben xaay limo mangooh, digga le rakiibo yakkehiyya heeyyo. Yoo yaamine num mabadita.

Yasaqya 60:12

Takkay immay koh taamite wayta doolatwa bayele; ken baaxo abuuruh raaqele.

Yasaqya 8:9

Isin baadal tan ummatey, titta lih gaca'mmay baysetton. Baaxok xer ikkel yan maraw, ankacisa! Qeebih bical gaca'mmay baysettoonuuh, finqitetton.

Yacedkel 32:28

«Masri maraw, isin kaadu carbit rabte diini maleela lih elle baytoonu waytaanam tonna.

Yacedkel 47:5

Kaadu koona boolih mitrih gide yimittire. Too waqdi buyyi leek kaxxam yemeggeeh; addat akak gexam maduudiyyo. Giiru akke waytek, kalah elle taban inni maraaqinna.

Daaniyel 2:33

Lak akak birtak bicseenih yeneeniih; ibittek garab akak bicseenim, birta kee kallak ten.

Daaniyel 7:27

Addunyal enna 'ya marih xintoh qande kee nabna, Yallay inkih daga raaqahiyyah ummattah aceelon. Ken daadarinni, ambaxe sinniih waara daadarinna. Xintoh abbobtiy a addunyah bagul enna 'tahiyya inkih ken akdumelon, amri keenik oggolelon› yok iyye.

Daaniyel 8:25

Usuk sahda ayriseleh, sahda elle ayrisinnaanim gabal kaah bicele. Kaxxam isit akkeleleh, mango maritteetah aylahu kale'kal annaak ken qidele. Kulliimik daga raaqa malikih yab kinni way cinele. Takkay immay sarrak sahdayti qande akke sinni qandeh gabat bayele.

Zakariyya 12:3

Too ayro Yarusalaam kaxxam qilsa le xaa abeyyo. Too xaa ugsa'gidih yamaatu waa mari biyaakitele. Kulli baaxoh mari teetit qeebi aba'gidih titta geyya heeh amaatele.

Zakariyya 4:6

Too waqdi woo malaykatti Darabbabelih warsa'gidih, YALLI ruube farmo yol ruube. «Darabbabelow, abba hannaanim gabal kok bicele. Takkay immay toh, qeebit geytu waytam hinnaay, isi qandet geytu waytam hinna; anu koh acayu waa yi roocaaniyyak geytu waytaama. Toh intam yoo YALLAY Nabaamak Nabahiyya.