Daaniyel 2:28 - NABUWWA KEE MALIKWA

²⁸ Takkay immay Yallay qaraanal yanihiyya sirrih tanim yableeh yaybulle. Yalli, atu xiinit sugte waqdi, sarra yan saaku takku waytam koo yuybulleeh yan. Tublem aham teeti:

Daaniyel 2:28 ပူးပေါင်းရင်းမြစ်များ

Yasaqya 2:2

Tamaatu wayta ayroorah addat YALLIH Qibaadah-Qari elle yan qale kulli'kkek fayyah giffa axcele. Kulli qalek fayyah giffa luk raaqele. Kulli koomak fayyah giffa luk raaqele. Baadal tan ummatta tet fan amaatele.

Ermiyaas 10:7

Inkih tan ummatih Malikow! Nabna koh taguudek, koo assakaxxe waytam iyyaay? Addunyal kasah dareeman mara kee addunyal tan reeda le malikwak inkih ku bis lem matan.

Ermiyaas 48:47

«Takkay immay sarrî-dabaanal luk sugen gaddaliino keenih gacseyyo. Tah intam yoo YALLA. Anu Mooyab maral abe cokmi tokket yeede» iyye.

Yacedkel 28:3

Daaniyelik kasah taysem isik takkale. Kok qellittam matanam takkale.

Yacedkel 38:16

Yi Israayilih ummatat caacoy baaxok baaxo gexxah innah, elle temeete innaak qeebi abetto. Sarrah yan dabaanah, yi baaxo tabbixe'gidih, koo ruubeyyo. Toh akah abu waam, raqqa 'te baaxooxah mari yoo yaaxige'gidiiy, tonnah kaadu, kol baahu waamak gexxaamah, taahirik yan Dagelta kinniyom yok yaaxigeeni'gidi» iyye.

Yacedkel 38:8

Uli baaxoy mango baaxol sugte ummatta tittal uduurra 'teh titta lih elle tanihiyya tan. Ta baaxoh mari carbi meysi mali. Mango sanatak lakal, too baaxo akah tabbixe innah koo ruubeyyo. Toh Israayil rasuuy; mango dabaanah Israayil qaleeli dibuk suge. Num sinniih lac sinni rasuh suge'mmay, a saaku woo mari woo qaleelal amaanah xiinan. Takkay immay too marat atu qeebi abetto.

Daaniyel 1:20

Malik faxe essero esseraah, waagiseenimik faxem taniimih, a affara num, baab-abeenit kee faal-qiday woo baaxol sugga 'tehiyyak inkih, tabna adda tayse ixxiga luk yenen.

Daaniyel 10:14

Away akah emeetem, sarra yan saaku ku marat takku waytam koh warsa'gidi. Ah sarra takku waytaamih wacyi› yok iyye.

Daaniyel 2:18

Keenik iyyeemih, «Nee kee kalah tan tu-taaxago cattimna'gidih, Yalli a soonoh maqna nee yayballayuh, qaraanal yan Yalla kallaca» keenik iyye.

Daaniyel 2:22

Qellittaah sirrik tanim qaddossam kaa. Diteh addat qellittam tablem kaa. Ifi maroh edde yanim Yalla.

Daaniyel 2:44

«Too malikwah dabaanal, qaraanal yan Yalli baye wayta doolat xisele. Too doolatak faxe doolat mataysaay; sugte doolatwa bayissa hayteh elle raaqeleeh waarele.

Daaniyel 2:45

Gabah num xage'kal qalek baxsimma 'yeh rade xaay soonol tublehiyyak maqna toh teeti. Too xaa, birtaay nacaasaay kallaay lakqo kee dahabak bicsen ceelo aggilih tuble. Yallay Nabahiyya sarra takku waytam koh warseh yan. Atu soono elle tublem, hununuh tama'nnaay; teetik nummâ-maqna koh warseh» kaak iyye.

Daaniyel 2:47

Tohuk lakal kaadu iyyemii, «Ku Dagelti yallittek naba Dageltaay; malikwâ Malik kinnih; sirrih tanim taybulleem kaa» iyye. «Woh elle aaxigem, sirrih taniimik adda yoh warisseh» kaak iyye.

Daaniyel 4:5

Barak teena qarkaytô-bagul xiinit an waqdi, kaxxam cunxo yot qida suwaawur uble.

Hosiqa 3:5

Tohuk lakal Israayil mari YALLAY ken Dagelta kinni kee ken malikih yen Dawuduk rade amoytih fan edde yaduuroonu waan wakti amaatele. Too saaku YALLIH meysi xagarat keenik gaceleeh; YALLIH maqaane geelon» iyye.

Qaamus 4:13

Qaleela tuklukeeh, silaytu gintem, YALLAY Nabaamak Naba Dagelta kinnihiyya. Sahdayti rooci ginteeh; abu waam sahdaytuh warissam kaa. Ayrô-diifuk ditel korissam kaa. Baadal inkih mulki lem kaa. YALLAY Nabaamak Naba Dagelta kinni abam cubbusa!