Daaniyel 2:27 - NABUWWA KEE MALIKWA

²⁷ Daaniyel kaak iyyeemih, «Malikow, aham tu-taaxago kee faal-qidaay baab-abeenit kee cutuk-beyak num yaaxagu duudam hinna.

Daaniyel 2:27 ပူးပေါင်းရင်းမြစ်များ

Yasaqya 19:3

Masri marih mala foyya abeyyooh, niya keenik aggileyyo. Yalla 'yeenih yaqbudeenimil cato esserelon. Ginnili kee kalluwallel fayu essereloonuuh, rabe marih roocaaniyyak, ‹Maca neh taysee?› 'yaanam axcelon.

Yasaqya 44:25

Ginnili kee kalluwalle dirableela kinnoonum aybullee. Faal qida mara kee cutuk-beya duquura kinnoonum aybullee. Sahda le ixxiga, iggima kinnim keenik aybullee.

Ermiyaas 10:7

Inkih tan ummatih Malikow! Nabna koh taguudek, koo assakaxxe waytam iyyaay? Addunyal kasah dareeman mara kee addunyal tan reeda le malikwak inkih ku bis lem matan.

Daaniyel 1:20

Malik faxe essero esseraah, waagiseenimik faxem taniimih, a affara num, baab-abeenit kee faal-qiday woo baaxol sugga 'tehiyyak inkih, tabna adda tayse ixxiga luk yenen.

Daaniyel 2:2

Tonna-leemiik soonitem kaah warsaana'gidih, soono yafdige maraay faal-qidaay baab-abeenitiiy cutuk-beya kee ramli-qida-marah amma 'yaanam inkih seeco abe. Oson yemeeteeniih foocal kaak soolen waqdi, keenik iyyemii,

Daaniyel 4:7

Too seecol faal-qidaay baab-abeenitiiy cutuk-beya kee ramli-qidak num raaqe'kal inkih temeete. Too waqdi anu uble soono keenih warseh immay, too soonoh maqna keenik num yoh warisu yeffereh.