Daaniyel 2:26 - NABUWWA KEE MALIKWA

²⁶ Malik too waqdi Daaniyeliy Baabelon-mari migaaqah Beltasaxxar akak iyyehiyyak iyyeemih, «Anu uble soono kee woo soonoh maqna yoh afdigettom duddaa?» kaak iyye.

Daaniyel 2:26 ပူးပေါင်းရင်းမြစ်များ

Daaniyel 1:7

Malik gubal taamita num woo marah qusba migaq yeyyeeqe. Migaaqah keenik, Daaniyel deqsita numuk, Beltasaxxar iyyeeh; Cananyak Sadrak iyyeeh, Misaayelik Meesak iyyeeh, Qadarya deqsita numuk Qabednago 'yaanam keenih yeyyeeqe.

Daaniyel 4:8

Ellecabol Daaniyeliy anu migaaqah Beltasaxxar akak excehiyya yol xayyoowe. Too migaq akak geem, anu liyo yalla. *Kudduusuk tan yallitteh roocaaniyya kay xagarat tan. «Anu kaak exceemih,

Daaniyel 5:12

Num aalle waa kas kee ixxiga leeh; soonok maqna warisuh dudda akah le. Missilak kaadu maqna yaaxigeeh, sirrih taniimik maqna yafdige. Too numuh farmo rub. Kaak migaq Daaniyeli. Malik migaaqah Beltasaxxar kaah yeyyeeqeh suge. Usuk ahamih maqna koh warsele» kaak inte.

Daaniyel 5:16

Takkay immay too maral gibdaabina lem kol sahlih taniih; sinam gita akah wayteemih atu gita geyta 'yaanam kok iyyan. Tonna leemiik atu a kiraati tikriyeeh maqna akak teexegek, malik buxah mari haa qasdiimin sartan kee dahabak bicsen silsilatay massakaxxah fillat haanahiyya koh aceeyyo. Abbootanah kaadu yok gubal sidochaytô-num akketto» kaak iyye.

Daaniyel 7:1

Baabelon baaxok malikih yen Belsaxxar edde dardaare sanatat, Daaniyel bar qarkaytol deerih yan waqdi, soono kee wacyi innah tanim yuble. Soonoh yublem warkatal yuktubeh raaqise.

1 Samuwel 17:33

Saawuluuy, «Aleey, atu awkaay; usuk furraynu tikki 'yeemiiy a saaku fan carbit yan num kinnuk, qeebi kaat abtam madudda» kaak iyye.