Daaniyel 2:2 - NABUWWA KEE MALIKWA

² Tonna-leemiik soonitem kaah warsaana'gidih, soono yafdige maraay faal-qidaay baab-abeenitiiy cutuk-beya kee ramli-qida-marah amma 'yaanam inkih seeco abe. Oson yemeeteeniih foocal kaak soolen waqdi, keenik iyyemii,

Daaniyel 2:2 ပူးပေါင်းရင်းမြစ်များ

Aster 1:13

Malik, xinto intam kee qadaalatah tanim aba'gidih, tu-yaaxigil fayu esseraanam qaadah luk yeneeh, tonna-leemiik tahak abeh meqeemih fayu kaah yacayu waa marah seece.

Yasaqya 19:3

Masri marih mala foyya abeyyooh, niya keenik aggileyyo. Yalla 'yeenih yaqbudeenimil cato esserelon. Ginnili kee kalluwallel fayu essereloonuuh, rabe marih roocaaniyyak, ‹Maca neh taysee?› 'yaanam axcelon.

Yasaqya 8:19

Takkay immay sahda, «Ramli qida mara kee kalluwalley tutuc intak xaagu aba» siinik intu wayta waqdi, isin, «Xaagu kalluwallek abtaanamak, Yallak macah abe waytan? Yan marih xaagu rabe marih roocik macah abtan?» 'yaanam keenik axcetton.

Daaniyel 1:20

Malik faxe essero esseraah, waagiseenimik faxem taniimih, a affara num, baab-abeenit kee faal-qiday woo baaxol sugga 'tehiyyak inkih, tabna adda tayse ixxiga luk yenen.

Daaniyel 1:4

Ta mari yi qarih addal taamita'gidih, xagar qax-maqaane leeh hebeltoh ayma aalle waa maray kas kee cubbiiy ixxiga kee baritto lehiyya yakkeenim faxxinta» iyye. Asfanad, Baabelon marih af kee woo afat tunkuttubem, too mara barsam faxximta.

Daaniyel 2:10

A mari kaal gacsemii, «Malikow, atu faxxam addunyâ-bagul warisu duuda num mayan. Ahaydumah annah tanim, kaxxa qande kee nabna le malikwa kinni-way, faal-qida kee baab-abeenitiiy cutuk-beyal messerinna.

Daaniyel 2:27

Daaniyel kaak iyyeemih, «Malikow, aham tu-taaxago kee faal-qidaay baab-abeenit kee cutuk-beyak num yaaxagu duudam hinna.

Daaniyel 3:8

Too waqdi Baabelon rasih marak garab, Yahuud maral qellat edde baahaanam geen.

Daaniyel 4:3

Yalli nee yaybulle qagabak tanim manxu nabna le; usuk abe ablewaynuh tanim kaxxa cayla le. Waara malikih tanim, Yalla. Kulli way mulki lem, Yalla.

Daaniyel 4:6

Sarrak a soonok maqna yoh warsaana'gidih, Baabelon baaxol tan tu-taaxagoh inkih seeco abe.

Daaniyel 5:7

Too waqdi, «Faal-qida kee baab-abeenit kee cutuk-beyah yoh seeca» iyyeh xongole. Woo mari yemeete waqdi, malik keenik iyyeemih, «A kutbe yakriyeeh teetik maqna yoh warisu waa numuh, malik buxah mari haa qasdiimin sartan kee dahabak bicsen silsilatay massakaxxah fillat haanahiyya aceeyyo. Abbootanah kaadu yok gubal sidochaytô-num akkele» iyye.

1 Samuwel 6:2

Filistiin mari isinni seeka kee baab-abeenitih seeco abeenih keenik iyyeenimii, «YALLIH Qahdi addat akak yan Sanduguk maca abnooh? Akak baahen aracah gacisna waqdi, woo sandug lih maca hayneh rubnooh?» iyyen.