Daaniyel 2:14 - NABUWWA KEE MALIKWA

¹⁴ Too waqdi Daaniyel, malik qaskarak abbah yen numuy, tu taaxago qida akak iyyeenihiyyal gexe. Too num migaaqah Ayruk deqsitak yen. Sarra edde yaaba yab isik cubbusak, Daaniyel too numuk iyyeemih,

Daaniyel 2:14 ပူးပေါင်းရင်းမြစ်များ

Ermiyaas 39:9

Sarrak Nabudardan deqsita numuy Baabelon qaskarak inkih abbah yenehiyya, magaalah addal raaqe mara kee kaal yemeete maray gaba kaal yeceehiyya inkih, gaabossa heeh Baabelon fan seewah bee.

Ermiyaas 52:12

Malik Nabkadnessar Baabeloonul edde reede taban kee sagalhaytô-sanatak konoyhaytoh alsak tabanhaytoh ayrol, Nabudardan deqsitak yen numuy, Nabkadnessarat dacayrih tan qaskarak abbah raaqahiyya, Yarusalaam magaala yemeete.

Ermiyaas 52:14

Kay gubal tan qaskar, Yarusalaamat maroh ten gidaarwa inkih bututtukku heen.

Daaniyel 2:15

«Malik annah yan gibdi amri akah yeceem macaay?» iyye. Aryuk aham elle tekke'nna kaah warse.

Daaniyel 2:24

Sarrak Daaniyel, Aryuk deqsita numuy malik woo mara akak qida iyye fan gexe. Kaak iyyeemih, «A soono anu kaah warseyyok, malik fan yoo beyaay; Baabelon baaxol tan tu-taaxago maqidin» kaak iyye.