Daaniyel 2:12 - NABUWWA KEE MALIKWA

¹² Malik toh yoobbe waqdi naqabuh gira yekkeeh, «Baabelon baaxol sugga 'te tu-taaxago inkih qida» iyye.

Daaniyel 2:12 ပူးပေါင်းရင်းမြစ်များ

Daaniyel 2:24

Sarrak Daaniyel, Aryuk deqsita numuy malik woo mara akak qida iyye fan gexe. Kaak iyyeemih, «A soono anu kaah warseyyok, malik fan yoo beyaay; Baabelon baaxol tan tu-taaxago maqidin» kaak iyye.

Daaniyel 2:5

Malik keenik iyyeemih, «Uble soono isin yoh warisaay, maqna teetik kaadu isin yoh warisa. Toh abe wayteenik, iba kee gaba rike-rikeh siinik argiggiqeyyooh, buxa siinik kaadu abuuruh cabeyyo. Takkay immay uble soono yoh warisseeniih maqna kaadu yoh akak warisseenik, wohih galtoh meqe mattaco siinih aceeyyooh, naba mara sin abeyyo. Uble soono yoh warisaay maqna akak kaadu yoh warissaanamal, inni bagul gaba kaleh» keenik iyye.

Daaniyel 3:13

Toh yoobbe waqdi, malik kaxxam bagcarriteeh, «Gexay woo sidooca num yol baaha» iyye. Ken baaheeniih;

Daaniyel 3:19

Too waqdi Nabkadnessar bagcarriteeh, naqabuk gexxaamah inti qabal innah kaak gacte. Isi marak iyyeemih, «Muufet gira urusaay dumak malcina adda laqnah lafitta 'xica» iyye.

Daaniyel 5:19

Usuk nabna le numuk yeneemih sabbatah, mango baaxoh mara kee mango meelah yoobokeeh mango afah yaaba mari kaak aben meysi kaak axaxitak sugen. Qidam faxa num qidak sugeeh, wadam faxa num wadak suge. Qawratat qidam faxa num qidak sugeeh; yassakaxxem faxa num assakaxxuk suge.