Daaniyel 12:4 - NABUWWA KEE MALIKWA

⁴ «Kaadu yok iyyeemih, ‹Daaniyelow, ama kitab alifay ellecabo edde takke wakti fanah alifay asta edde hayis. Mango mari takkeemih maqna yaaxige'gidih, kaxxam taqabelon› iyye.

Daaniyel 12:4 ပူးပေါင်းရင်းမြစ်များ

Yasaqya 11:9

Lee bad akah kibta'nnah, Yalla yaaxige mari inkih tan baaxo kibeleemih sabbatah, Yallih qaley taahirik tanihiyyah amol sahda biyaaku waah meqem bayisu waa num mayana.

Yasaqya 29:11

Sin yuybulle wacyi maceddaanaay; alifit yan kitaabih addal yan yaabih gide siinil akkele. Woo kitab numuk teenay yakriyehiyyal beyya hayteh, «A kitaabal tanim macaay? Ikriyey!» intek, woo num «Anu aham akriyu mabicsa. Macaay intek alifit taniih, fakiimeh akak wayta asta le'kkah makriya» axcele.

Yasaqya 30:26

Alsa ifuh ayroh innah gaceleeh, ayro kaadu ifuh malcina adda dumak lafitta axcele. Malcina ayroh ifuy yesgelleenihiyyah bis aallele. Aham takku waytam, YALLI isi mara abeh yan biyaakak edde qaffoysu waa saaku.

Yasaqya 32:3

Tohuk wadir inti le marak inti fakkiimele; ayti le marak ayti aabbele.

Yasaqya 8:16

Isin yi darsay, Yalli yol ruube farmo dacrisaay tet daanisa.

Ermiyaas 5:1

YALLI iyyeemih: «Ugutay! Yarusalaam magaalak adda wagga haay! Dariifa kaadu isinnik wagga haay! Qadaaga elle takke arooca kaadu cubbusay! Inki numuy yeemeneenih cakkih tanim abahiyya Yarusalaam addal mageytima. Geytimma 'yek, Yarusalaam marah qafu abeyyo.

Daaniyel 10:1

Kooris Fursi-malik yekkeemih sidiica sanat yekke saaku, Daaniyelil farmo temeete. Malik, Daaniyelih migaaqah Beltasaxxar yeyyeeqeh suge. Kaal temeete farmo nummâ-farmok tene'mmay, xayih edde radoonu duudan farmok mananna. Yalli woo farmok maqna wacyi gurral kaa yuybulle.

Daaniyel 10:14

Away akah emeetem, sarra yan saaku ku marat takku waytam koh warsa'gidi. Ah sarra takku waytaamih wacyi› yok iyye.

Daaniyel 11:33

Kasloytit isi kas ummatta lih haysitele. Keenik tu yakke mari, dago waktit carbit rabe kee girat ken carrise akkelon. Garabak kaadu midir buubeloonuuh seewah ken beelon.

Daaniyel 11:40

« ‹Ellecabô-wakti xayyoowa waqdi, Masri malik qeebi kaat abeleeh, too waqdi Suuriyah malik gaariira kee faariisa kee mango maraakib haysitta heeh kaa'lih aamele. Mango baaxo weeqi'nnah duufut beyak wararele.

Daaniyel 12:13

Tonna'mmay, Daaniyelow, atu lito imaan ellecabo fan boolaate'kal kok sugay. Rabettooh, isi galto ellecaboh ayro geyta'gidih ugtetto› yok iyye».

Daaniyel 12:5

«Tohuk lakal namma malaykattuy weeqayti xaqul soltahiyya uble. Keenik tiyaay woo weeqaytuk a qaxa kee woo qaxal soolah uble.

Daaniyel 12:9

Too waqdi usuk yok iyyeemih, ‹Daaniyelow, aham ellecabô-wakti yakkem fanah uqurat sugteh, num aaxige waama.

Daaniyel 8:17

Too waqdi Jibriil yemeeteh, xaqut yok soole. Anu too waqdi kaxxam wariggiteeh, baaxol gommoh rade. Jibriil too waqdi yok iyyeemih, «Atu cagal bani-adantu kinnito'mmay, ahamak maqna ixig. A soono edde yabtam, ellecabô-wakti» iyye.

Daaniyel 8:19

Iyyeemih, «Yallih naqbih ellecabo edde cabtam koh warisu waa. A suwaawur, kulliimik ellecaboy Yalli edde yaabe ayro tamaatu waytahiyya neh yascasse.

Daaniyel 8:26

A wacyiy carri bar kee maaca aban sadgat edde abe waan waktik ko'lih edde yaabeenihiyya nummak maacisele. A wacyil tanim sarrah yan dabaanal akkelek, tuktubem alifay alif asta edde hay» yok iyye.