Daaniyel 12:11 - NABUWWA KEE MALIKWA

¹¹ Kulli ayro acayuk sugen sadgat edde yeyseeden ayroy woo kaxxam umâ-yabulih tanim edde hoonu waanak, wadirih alfi kee namma bool kee sagla-tabanih ayro tatrele.

Daaniyel 12:11 ပူးပေါင်းရင်းမြစ်များ

Yacedkel 4:6

Tohuk gaba kalta saaku kaadu aki tattabah gacettooh; Yuudâ-mari baahe baatilih morootom ayro biyaakat sugetto. Sanootak ken digaalu waah gide ayrok digaalah kol gacele.

Daaniyel 1:12

«Ku maganah kudra kee lee tabna ayroh neh ucuyaay; tohuk sarra xagar nek akah gaca'nna nek wagtetto.

Daaniyel 11:31

Usuk ruube qaskar, megdeb kee Yallih Qibaadah-Qari culak, nadaasa abele. Kulli ayro aban sadgat abe ken kaleleeh, sadgat elle abak yenen aracal Kaxxam Umâ-Yabulih-Tanim elle heele.

Daaniyel 7:25

Yallay inkih daga raaqahiyyak aaminnaanim axceleh, Yallih ummattat xukkutele. Muusa keenih yecee xinto kee qiddi ayroora elle suge wayte'nnal korisam keh gabbateleeh; wakti kee waktitte kee waktik garab gide isi amrih gubat heele.

Daaniyel 8:26

A wacyiy carri bar kee maaca aban sadgat edde abe waan waktik ko'lih edde yaabeenihiyya nummak maacisele. A wacyil tanim sarrah yan dabaanal akkelek, tuktubem alifay alif asta edde hay» yok iyye.

Daaniyel 9:27

Too malik inki malciin-gide mango marah bica abele. Woo malciinik garab taturra 'ya waqdi, ummatta abak sugte sadgat kee mattaco inkih abe ken kalele. Yalli faxe baati too ikke amma 'tam fanah, kaxxam umâ-yabulih tanim Yallih Qibaadah-Qarik fayya 'ta aracal heelon. Tamah nagay cubbusay mahawweenin» yok iyye.

Hosiqa 3:4

Israayil mari kaadu tonnah malik haysite'kal, abbah num hee'kal, sadgat abe'kal, xeetik bicsen qamidway yaqbudeenihiyya kee Yalla 'yeenih tu elle esseran duyye aalle'kal, mango wakti qambaalak sugelon.