Daaniyel 12:10 - NABUWWA KEE MALIKWA

¹⁰ Mango ummatta amqiyyiruk taahirroowele. Uma mari tahat maradaay, akah sugen umeynitih raaqelon. Ahat raddu waytam, kas le mara.

Daaniyel 12:10 ပူးပေါင်းရင်းမြစ်များ

Yasaqya 1:18

YALLI qagseh iyyeemih, «Tahaysa yol amaay, tahat itta lih yaabenno. Isin abten dambit kaqalteenih immay anu woo dambik sin kaqliseh cankaxi qidih innah sin heeyyo. Dambik abteenimih mangah xagar siinik yoomeh yani'mmay, qado illi xagoorih innah akak gacetton.

Yacedkel 36:25

Xeet kee cooxuk bicsen duyyey aqbuduk sugteenihiyyah nadaasak taahirrowtaana'gidih, taahirik tan leet sin rifeyyo. Liton nadaasak sin kaqliseyyo.

Yacedkel 47:11

Takkay immay natqa le leey, dori lee kee dariifal tan natqah agantah yasiffiyem maduuda. Qasbo way macabsiisa.

Daaniyel 11:33

Kasloytit isi kas ummatta lih haysitele. Keenik tu yakke mari, dago waktit carbit rabe kee girat ken carrise akkelon. Garabak kaadu midir buubeloonuuh seewah ken beelon.

Daaniyel 11:35

Ummatta agirribuk taahirrowta'gidih, woo kasloytiitih tan miracwak tu takkem annikissele. Taham ellecabô-waktiy Yalli yaaxigehiyya tamaatem fan akkuk sugele.

Daaniyel 12:3

Kas le miracwa qaraanal yan ifih innah ifele. Too maray sinaamak cakkih tanim aba axcuk fayu acayuk sugehiyya, kulli way cutuukah innah ifelon› yok iyye.

Hosiqa 14:9

Kas le mari a kitaabal yan yaabat radeleeh, afqadot raaqisele. YALLIH giti, cakkik yan gita. Cakki gitat gexa mari kay gita kataatele. Dambileelaay a yaabat baaqid mahaytaay, tohih sabbatah, kay giti adaf keenil yakke.

Zakariyya 13:9

Too maray saaboh raaqu waahiyya yakke mara keenik able'gidih, dahab kee lakqo girat elle yasiffiyen innah, girat asiffiyeyyo. Tohuk lakal dooqah gaba yol ruubelon; anu too dooqa keenik oggoleyyo. Yi mara kinnoonum keenih warseyyooh; oson kaadu ‹Atu ni Dagelta kinnito› axcelon» iyye.

Malaaki 3:3

Lakqo kee dahab edde yasiffiyen girah innah, umam kee meqem tittak asiffiyuk amaatele. Dahab kee lakqo bicsa num girat asiffiyuk akah bicsa'nnah, Yallih farmoyti yamaatu waa saaku, Leewih yooboke mara tonnal asiffiyele. Too saaku too mari, YALLAH gitah yan sadgat abele.

1 Samuwel 24:13

Dumî-mari missilah, ‹Uma marak umam tawqe› 'yaanam axcuk neh sugen. Tonna-leemik anu innih koo maxaga.