Daaniyel 11:40 - NABUWWA KEE MALIKWA

⁴⁰ « ‹Ellecabô-wakti xayyoowa waqdi, Masri malik qeebi kaat abeleeh, too waqdi Suuriyah malik gaariira kee faariisa kee mango maraakib haysitta heeh kaa'lih aamele. Mango baaxo weeqi'nnah duufut beyak wararele.

Daaniyel 11:40 ပူးပေါင်းရင်းမြစ်များ

Yasaqya 21:1

Yalli, badak garil tan baaxoy sahda dabaaqah elle deedaltahiyyah giddinaamak, ruube farmo ah teeti. Gabbi-qaxak tamaate caacoh innah, bacarih tan baaxoy sinam kaxxam akak meysittahiyyak tu amaatih able.

Yasaqya 5:28

Gayse kee gaysê-xaylo qeebi edde aboonuh bical tan. Gaysê-xaylo keenik af le. Ken faariisih ibitte gibdah qado-xeetih inna le. Ken faariisa beyta gaariira qaana fuluk haak tamaate.

Yasaqya 66:15

Macaay inteenik, YALLI girah innal amaatele. Kay gaariira qaana fuluk haak tamaate. Niqba mara kaxxa bagcarrat edde digaala'gidih, YALLI gira gabat luk amaatele.

Ermiyaas 4:13

Naqboytit, qamburre qaraanal elle tamaate innal, tamaateh tan! Oson qeebi edde aban faaris, baaxok bagul fuluk axcuk gexxa caacoh innal, yamaate. Ken faras sissikaaneh qawiytak umah. Too saaku ummat: «Ahaysa baati nee tibbixeh! Nim tekkeh!» axcelon.

Yacedkel 38:4

Sanat santiita kok hayya heeh, koo kee ku qaskar qusba yaahatal ayfukuneyyo. Qaskaray faaris amok qeebi abtahiyyak mangom lito. Kulli qaskariiti gob kee seefit tikyah yan. Takkay immay koo kee ku qaskar fixixiseyyo.

Yacedkel 38:9

Koo kee ku qaskar kee, wohuk kalah, mango baaxok yemeete mari sin lih gacca 'yeh, caacoh innal, ken wararetton. Inkih tan baaxo qamburreh innah buuletton» iyye.

Daaniyel 11:10

« ‹Suuriyah malikih xaylo qeebih bica abeleeh mango qaskar gaaboysele. Keenik numuk teeni, weeqi'nnah duufut beyak warareleeh, ken naqboytiitih megdeb elle yani ikke fan qeebi abak amaatele.

Daaniyel 11:11

Too waqdi Masri malik bagcarritak, Suuriyah malikit qeebi abeleeh; kay qaskaray mangohiyya qeebit abbixele.

Daaniyel 11:13

Macaay intek, Suuriyah malik uduurra 'yeh duma luk suge qaskarak ixximah mango qaskar gaaboysele. Bica geya saaku, mango qaskaray nagay tan tikya lehiyya haysitta heeh kaadu gexele.

Daaniyel 11:22

Naqboytiitih kaak tan qaskarat qeebi abeleeh baysele. Too qaskar dibuk hinna'mmay, kaxxa seekih agantah baysele.

Daaniyel 11:25

« ‹Sarrak Masri malikit qeebi aba'gidih kaxxa qaskar ugsele. Too waqdi Masri malik canê-gacsah nabam mangoh qande le qaskar haysitta heeh qeebi kaat abele. Takkay immay kaa ganeloonuh, tohih sabbatah faxem gabal kaah mabicta.

Daaniyel 11:35

Ummatta agirribuk taahirrowta'gidih, woo kasloytiitih tan miracwak tu takkem annikissele. Taham ellecabô-waktiy Yalli yaaxigehiyya tamaatem fan akkuk sugele.

Daaniyel 11:39

Tonna leemiik, aki baaxoh mari yaqbudem kaa catak, qande le megdebitte qeebit abbixele. Atu nummah abba kinnitoh 'yaanam kaah axcinnaan marah, kaxxa arac abeleeh, kaxxa taama kee buqre keenih aceele.

Daaniyel 11:7

« ‹Sarrak teetih ramad le marak numuk teeni, tet abbah aracal malik akkele. Woo malik Suuriyah malikih qaskarat qeebi abele. Ken megdebitteh adda culeleeh; qeebil keenik aysele.

Daaniyel 12:4

«Kaadu yok iyyeemih, ‹Daaniyelow, ama kitab alifay ellecabo edde takke wakti fanah alifay asta edde hayis. Mango mari takkeemih maqna yaaxige'gidih, kaxxam taqabelon› iyye.

Daaniyel 12:9

Too waqdi usuk yok iyyeemih, ‹Daaniyelow, aham ellecabô-wakti yakkem fanah uqurat sugteh, num aaxige waama.

Daaniyel 8:17

Too waqdi Jibriil yemeeteh, xaqut yok soole. Anu too waqdi kaxxam wariggiteeh, baaxol gommoh rade. Jibriil too waqdi yok iyyeemih, «Atu cagal bani-adantu kinnito'mmay, ahamak maqna ixig. A soono edde yabtam, ellecabô-wakti» iyye.

Cabakkuk 3:14

Qaskarak abbah suge num, isi macaxut bayisse. Caacoh innah net yemeeten; kaxxam farcitak yemeeten; nee fixiixisaanam faxen. Boola akak dareemen marat, xukkutaanam faxak sugen.

Zakariyya 9:14

YALLI isi marak daga raaqa aracal gacca 'yeh, cankaxi innah isi gaysê-baxa ruubele. YALLAY Mulki lehiyya baanta kaayisak, gabbi qaxak caacoh addat amaatuk qeebi abele.