Daaniyel 11:36 - NABUWWA KEE MALIKWA

³⁶ « ‹Suuriyah malik isih faxxa heem abak sugele. Yallitte akak inxicci 'yaanamak nabiyoh axcuk tirtirisele. Yallittek naba Dagelta kinni way, uma'nnal xaafele. Yalli kaa digaalla haam fan toh abak sugele'mmay, Yalli hununuh abeyyo inxicca 'yem abele.

Daaniyel 11:36 ပူးပေါင်းရင်းမြစ်များ

Yasaqya 10:25

Tah akah axcem, siinit liyo naqbi xayih gaba kaleleeh; yi bagcarrat ken bayisu waamih sabbata.

Yasaqya 10:5

YALLI iyyeemih: «Woyyow, Assuuriyat takku waytaama! Inqibe mara edde digaalu waa caxxih aftoh Assuuriya liyo. Yi bagcarra, gabat le caxxa keenik tan.

Yasaqya 14:13

Atuuy, isi-niyal intemii, ‹Qaran ewqeh abbootanah kulliimik daga raqta cutuukak dagal, dardaarinni korsil gaceyyo. Kilbat le kabut raqta angaaraw qalel malikih gaceyyo.

Yasaqya 14:14

Qamburrek daga ciggiileyyooh, kulliimik daga raaqa Dageltah innah gaceyyo› 'yaanam inte'mmay,

Yasaqya 26:20

«Yi ummatey, buxah addah cula; qarwak afa isinnit alifa. Yalli naqabuk xamacam fan dago gide kaak ombooqora.

Yasaqya 30:33

Assuuriyah malikih raysi edde carara'gidih, kaxxa gira dumaak bical sugte. Ta arac, kaxxa adda leeh baar le araca. Mango boco sittin bagul akak heen araca. YALLI isi ufuy urta *danih innah habug iyyahiyya too bocot ruubele.

Yasaqya 46:10

Sarra takku waytam dumal elle warseh suge. Sarrî-dabaanal takku waytam naharal elle sin iysixxigeh suge. Anu abam faxam akkele ikkal, raq matalla. Abeyyo inxicca excem abeyyo ikkal, fanat akak maasa.

Yasaqya 57:9

Mango qatri kee saliid (zeyti) gabat hayya hayteenih, kaxxa malik fan safarten. Farmoh afat ruuben mara xer baaxo fan rubtaanaah; akeerah agantah ken rubtan.

Yacedkel 28:2

«Bani-adantow, Suur magaalah malikik intaamah: YALLAY Mulki lehiyya kok iyyaamah, ‹Kaxxiinah qaffuddaah yalla is takkale. «Yalla kinniyooh bad maroh edde yan korsil an» 'yaanam inta. «Kasah Yallih innah an» intaah, Yalla is celsissa'mmay, sahdaytu kinnito ikkal Yalla hinnito.

Yacedkel 35:13

Tirtirisak yi giddinaamak edde yabten yab kee ceele-waytoy inteenihiyya siinik oobbeh.

Daaniyel 11:16

Suuriyah malikiy qeebi keenit abahiyya isih faxxa heem abeleeh; num kaat makoysita. Baaxooxak qaxa inkih tayse baaxo isi gabat heeleeh, too baaxo edde bayisu duuda qande luk sugele.

Daaniyel 11:3

Tohuk lakal agiruh yan malik amaatele. Too malik kaxxam naba abbootan luk sugeleeh; isih faxxa heem abele.

Daaniyel 11:37

A malik kay kaxxa abbobti yalla axcuk aqbuduk sugte duyye kee, agbi faxaamat baaqid mahaa. Yallitte 'yeenih yaqbudeenim maaqileleeh, wohuk inkih anu nabiyo axcele.

Daaniyel 12:7

«Too malaykatti namma gaba fayya haak, waara Yallih migaaqal xiibitah kaa oobbe. Iyyeemih, ‹Wakti kee waktitte kee waktik garab fan sugele. Yallih ummattak qande bayisu waa saaku, tahim inkih gaba kalele› iyye.

Daaniyel 2:47

Tohuk lakal kaadu iyyemii, «Ku Dagelti yallittek naba Dageltaay; malikwâ Malik kinnih; sirrih tanim taybulleem kaa» iyye. «Woh elle aaxigem, sirrih taniimik adda yoh warisseh» kaak iyye.

Daaniyel 4:35

Baaxol enna 'ta ummatta kay garil tu hinna. Qaraanal tan malayka kee baaxol tan ummatta inkih kay milkih gubat tan. Usuk faxeemil saduh gacu duuda num mayan. Usuk abem macah tekkeeh, iyyu duuda num mayan.

Daaniyel 5:19

Usuk nabna le numuk yeneemih sabbatah, mango baaxoh mara kee mango meelah yoobokeeh mango afah yaaba mari kaak aben meysi kaak axaxitak sugen. Qidam faxa num qidak sugeeh, wadam faxa num wadak suge. Qawratat qidam faxa num qidak sugeeh; yassakaxxem faxa num assakaxxuk suge.

Daaniyel 5:20

Takkay immay kaxxa kaxxiina kee isih iyyeemih fayxi baahe waqdi, malikannuk oobeeh luk suge nabna weeh.

Daaniyel 7:8

«Anu woo gaysoosi kaxxam wagitak suge waqdi, qunxa gaysa keenik addak awaqih uble. Too gaysa arac geyta'gidih, duma sugte gaysoosik sidoc buxuxuk yeyyeeqen. Too gaysa sahdayti intiita kee af luk ten. Afak hida ceela yaabat yaabak ten.

Daaniyel 8:19

Iyyeemih, «Yallih naqbih ellecabo edde cabtam koh warisu waa. A suwaawur, kulliimik ellecaboy Yalli edde yaabe ayro tamaatu waytahiyya neh yascasse.

Daaniyel 8:4

Woo maruwih gaysoosi ayrô-culmaay kilbat le kabu kee gabbi-qaxat inkih gufteh ten. A maruwut koysittaah kaak tasillimem mananna. Ta maruw isih faxem abitak sugeeh, tohuk gexxaamah kaxxa cayla baahe.

Zakariyya 11:16

Macaay intek, anu inni illit duwah num heeh an. Too duweeni bayele akak iyyen illih amo mawagita. Baye illi magorrisa. Biyaakite illi maqaffoysa. Hinnay kaadu qaafiyatak yan illi mayayloola. Takkay immay gabul le illik cado akmeleeh, xukcun keenik yirgiqeh baaxot qidele.

Yoosuwa 22:22

«Mulki lem inki Dagelta; YALLI kaa. Nanu a arac akah xisnem, usuk isih nek yaaxigeeh; isin kaadu neh taaxigeenim siinik fanxa. YALLA cinneeh kay qahdi makka haynek, isin nee qiddaasita.