Daaniyel 11:30 - NABUWWA KEE MALIKWA

³⁰ Roomah mari maraakibit amaateleeh, saduh kaak gaceloonuh, tohih sabbatah meysi kaat radele. Tohuk lakal bagcarritak aduureleeh, Yallih marih diini baysam gabbatele. Yallih diini cine marih fayu aabbele.

Daaniyel 11:30 ပူးပေါင်းရင်းမြစ်များ

1 Aydaad 1:7

Yaawan xaylo Aliisaay, Tarsisiiy Kittim kee Rodaanim deqsitak ten.

Nacmiya 6:12

Sarrak cubbussa hee waqdi, ah Yalli kay afat hee yab hinnay, Toobiya kee Sanballat guqul kaah teceeh, kaak inxica intem kinnim geeh.

Yasaqya 23:1

Yalli, Suur magaalah giddinaamak ruube farmo ah teeti. Suur baateeh; Suurul amaatuk yen maraakib edde culak yen marso kee qarwa bayteh immay, maraakib maraw, weeqaay boogisa. Sin maraakib Kobroosuk yuduure saaku, sin qambaltam ta xaagu.

Yasaqya 23:12

Yalli iyyemii, «Saydah magaalay ku farcat gaba kaleh. Ku mari xukkot yan. Kobros fanah kudaanamah, wokkel kinni, amaan mayan.

Ermiyaas 2:10

Ayrô-culmal yan Kobros deqsita rasu fan gexay; ayrô-mawqal tan Keedar deqsitta baaxo fan gexa. Wokkel yan mari abam abletton. Too mari isin abteenih taniinim abeh masuga.

Yacedkel 27:6

Koo edde seeban coox, Basan deqsita rasuk yirgiqen garsâ-caxak bicsen. Markab waqina akak bicseenim, Kobros rasuk baahen *sariidâ-cooxu. Dariifa akak dakani moddiinit exfen.

Daaniyel 11:28

Suuriyah malik dannabah bee duyye luk isi baaxo fan adaaruk gitat yan waqdi, Yallih diinih mara baysaamal gaba kalele. Isih faxxa heem abak yeneek, isi baaxol gacele.

Daaniyel 11:29

« ‹Yalli doore waktil, Masri kaadu qagitak wararele. Too saaku caalat dumî bis kaal mayalla.

Daaniyel 7:25

Yallay inkih daga raaqahiyyak aaminnaanim axceleh, Yallih ummattat xukkutele. Muusa keenih yecee xinto kee qiddi ayroora elle suge wayte'nnal korisam keh gabbateleeh; wakti kee waktitte kee waktik garab gide isi amrih gubat heele.