Daaniyel 11:24 - NABUWWA KEE MALIKWA

²⁴ Kaxxa maalu le rasu garciik wararele. Kay kaxxa abbobti ahayduma abe waytem abele. Dannabah orbise duyye kee gadda, kaa kataata marih fanal kurele. Megdebitte elle tan aroocat qeebi abaanamih malat gacele'mmay, tohim inkih yimixxige wakti sugele.

Daaniyel 11:24 ပူးပေါင်းရင်းမြစ်များ

Nacmiya 9:25

Maroh gaso edde tan magaalooli yibbixen. Rob elle radaah kullim elle taabuke baaxo kee kullim addal akak tan qarwa keenik raaqisen. Lee edde raaqisan boodooda kee, *daytuun xala coox kee, qinab xala coox kee, kalah yan caxâ-miru xala coox keenik raaqisen. Isinnih faxxa haanam yokmeenih, ariiqo baahen. Atu keenih ucuyya hayte maqaanek inkih cayyen.

Yacedkel 34:14

Israayil rasul akadah tan qaleela kee goloola beyya ken heeh, wokkel ken aylooleyyo. Tokkel meysi maleh akah yaloolen innah keenik abeyyo.

Yacedkel 38:10

YALLAY Mulki lehiyya Goog giddinaamak iyyaamah, «Too ayro gufta saaku, uma malah malsetto.

Daaniyel 11:23

Lih bicca 'ye doolat wadir ganele. Abbah akak yakku waam qunxa doolata'mmay, toh kinniimih qandeh aysuk aysele.

Daaniyel 7:25

Yallay inkih daga raaqahiyyak aaminnaanim axceleh, Yallih ummattat xukkutele. Muusa keenih yecee xinto kee qiddi ayroora elle suge wayte'nnal korisam keh gabbateleeh; wakti kee waktitte kee waktik garab gide isi amrih gubat heele.

Makaabon 9:4

Sarrak Bica-edde-aben-Baqal elle yaqbuden qarik, garaasak malcina-taban beyya heenih kaah yeceen. Usuk ta lakqot qamallittey sinam inkim akak intehiyya xaamma heeh is lih ken hee.