Daaniyel 11:20 - NABUWWA KEE MALIKWA

²⁰ Too malikih lakal gersi malik amaatele. Usuk isi baaxol gaddaliino fayya inta'gidih, sahdat xukkutaah gersi maral gabbara osisa num ruubele. Too malik maraagay, xayih bayele. Elle kaa qidan inna sinam kaak mataaxigay, yambulle carbit maraba› yok iyye.

Daaniyel 11:20 ပူးပေါင်းရင်းမြစ်များ

2 Malikwa 23:35

Sarrak Yahoyaakim Masri malik keenik igdiya iyye gabbarah kulli numuk leh gidel lakqo gaaboysek lakal, too gabbara Masri-malikih yecee.

Yasaqya 60:17

«Nacaas aftok, dahab koh baaheyyo; biriita kee bocoh aftok, lakqo kee nacaas koh baaheyyo. Xeet aftok, biriita koh baaheyyo. Ku addal xintoh abbobtih yan mari ahak wadir kot maxukkuta. Qadaalat kee amaanah koo xiinisa mara ken abeyyo.

Daaniyel 11:21

«A malaykatti kaadu qagseh yok iyyeemih, ‹Wohuk lakal Suuriyal malik yakkeemih, cakki alle waa malikiy umâ-yabulih tan taama lehiyya reedele. Num kaa cube'kal, garciik amma 'yeh sahda ayrisak malik akkele.

Daaniyel 11:7

« ‹Sarrak teetih ramad le marak numuk teeni, tet abbah aracal malik akkele. Woo malik Suuriyah malikih qaskarat qeebi abele. Ken megdebitteh adda culeleeh; qeebil keenik aysele.

Cabakkuk 1:1

YALLI, nabi Cabakkuk yuybulle wacyi ah kaana.