Daaniyel 11:2 - NABUWWA KEE MALIKWA

² Qagseh iyyeemih, ‹Anu taway koh warisu waam numma. « ‹Ahak sarra Fursi-rasul sidiica malik reedele. Keenik lakal yamaatu waa fereyhaytô-malik gaddaliinoh keenik inkih aysele. Usuk leh yan qande kee gaddaliinok gexxaamah, Giriik xintot qeebi abam faxele.

Daaniyel 11:2 ပူးပေါင်းရင်းမြစ်များ

Qedra 4:24

Yallih-Qarih-xisne kaadu fanal teedeeh, Fursi-malikiy migaaqah Daryawes deqsitahiyya edde dardaare nammayhaytô sanat fan, xisne akak elle yeyseeden aracal elle teedeeh sugte.

Qedra 4:7

Tonnah kaadu Artacsasta deqsita malik Fursi-rasul dardaare dabaanal, Bislam kee Mitradat kee Tabqel kee ken waday too malikih warkat uktubba hayteh kaah rubte. Too warkat edde yuktubeenim, Suuriyah afak teneeh; sarra warkat intam kaah warsen.

Aster 1:1

Malik Ekserkas deqsita malik, dardaarinni korsi elle luk yen Fursi-rasuk inaytah-ten-magaalay Suusa-deqsitak-tenehiyyal gacca 'yeh Hindi-rasuk xabba haanamaay, Kuus-rasuh amma 'yaanam tan baaxoy bool kee labaatanna kee malcina rakaakay takkehiyyal ackamuk yen.

Daaniyel 10:1

Kooris Fursi-malik yekkeemih sidiica sanat yekke saaku, Daaniyelil farmo temeete. Malik, Daaniyelih migaaqah Beltasaxxar yeyyeeqeh suge. Kaal temeete farmo nummâ-farmok tene'mmay, xayih edde radoonu duudan farmok mananna. Yalli woo farmok maqna wacyi gurral kaa yuybulle.

Daaniyel 11:25

« ‹Sarrak Masri malikit qeebi aba'gidih kaxxa qaskar ugsele. Too waqdi Masri malik canê-gacsah nabam mangoh qande le qaskar haysitta heeh qeebi kaat abele. Takkay immay kaa ganeloonuh, tohih sabbatah faxem gabal kaah mabicta.

Daaniyel 7:5

«Aki ali yemeeteeh; woo ali uma-alay sahda qidahiyya ceelak yeneeh; salafah daffeyak yen. Too ali masangalê-lafoofuk sidoc afat luk yen. Too waqdi too alak, ‹Ugutay cadok dudda haytah gide akum› kaak iyyen.

Daaniyel 8:21

Dabeelak maqna Giriik baaxoh abbootan 'yaanama. Kay namma intih fanak tewqe gaysay gersi gaysoosik giffa 'tahiyya keenik naharsi maliki.

Daaniyel 8:26

A wacyiy carri bar kee maaca aban sadgat edde abe waan waktik ko'lih edde yaabeenihiyya nummak maacisele. A wacyil tanim sarrah yan dabaanal akkelek, tuktubem alifay alif asta edde hay» yok iyye.

Daaniyel 8:4

Woo maruwih gaysoosi ayrô-culmaay kilbat le kabu kee gabbi-qaxat inkih gufteh ten. A maruwut koysittaah kaak tasillimem mananna. Ta maruw isih faxem abitak sugeeh, tohuk gexxaamah kaxxa cayla baahe.

Qaamus 3:7

Tonna'mmay YALLAY Mulki le kaadu, nabuwway kay naqoosah tanihiyyah takku waytam naharal warse'kal tu maaba.