Daaniyel 11:18 - NABUWWA KEE MALIKWA

¹⁸ Tohuk lakal baddaafal tan baaxooxal yan marat qeebi abeleeh, mango marak keenik aysele. Takkay immay aki baaxok yemeete makaabanti kaak ayseleeh; luk suge kaxxiinat kaa macaba. Too num sinaamat abak suge kaxxiinak gexxaamah, sinam kaal akah kaxxiinitta'nna kaak abele.

Daaniyel 11:18 ပူးပေါင်းရင်းမြစ်များ

Aster 10:1

Malik-Ekserkas, rasi addal yan mara kee baddâ-dariifal yan maral gabbara yaceenim faxxintam amrih oobise.

Yasaqya 66:19

Ken fanat asta hee liyo. Garabak teena keenik wadeyyooh, yi migaaqaay yi nabna kee yi qande elle aaxige waan baaxooxay kulli kabu geytintahiyya fan ken ruubeyyo. Ken ruubu waam, Isbaaniyaay Liibiya kee Liidiyah baaxo. Liidiyah mari nagay gaysê-baxa sahdat elli haa inna yaaxige mara kinni. Wohuk kalah ken ruubu waam, Giriik kee Tuubal kee xer baaxoy baddaafal tanihiyya. Oson yi nabna ta marih addal baxxaqiselon.

Ermiyaas 2:10

Ayrô-culmal yan Kobros deqsita rasu fan gexay; ayrô-mawqal tan Keedar deqsitta baaxo fan gexa. Wokkel yan mari abam abletton. Too mari isin abteenih taniinim abeh masuga.

Ermiyaas 31:10

Baaxoh ummatey, YALLI siinik iyyam ankacisa. Usuk iyyam badak afal yan xer baaxoh marah warisa. Isi mara fixixih elle yabbixe baaxok gaaboysele. Illit duwah yan num duwah edde yan illi elle duwa'nnal, ken duweleeh ken dacrisele.

Yacedkel 27:6

Koo edde seeban coox, Basan deqsita rasuk yirgiqen garsâ-caxak bicsen. Markab waqina akak bicseenim, Kobros rasuk baahen *sariidâ-cooxu. Dariifa akak dakani moddiinit exfen.

Hosiqa 12:14

Israayil mari YALLAT kaxxa naqabu culseeh; tohih sabbatah kaxxa digaalah ken digaalele. YALLI, isit aben burah, ken digaalele.

Xafanya 2:11

YALLI akak cunxitan umaane keenil ruubele. Addunyal yan mari yallah le duyyeeya foyya keenik abele. Too waqdi kulli mari, elle aninnaan baaxol, YALLA aqbudele» iyye.

Makaabon 1:7

Sarrak Adoonibedek iyyeemih, «Malcina tabanih malikiy iba kee gabak kaxxa-gili akak kalehiyya anu maaqo elle akme miizih gubal yok radda maaqoh buluula onkoysak akamuk yeneeni'mmay; anu keenil baahem a saaku Yalli yok gacseh yan» 'yaanam iyye. Sarrak woo num Yarusalaam magaala fan beeniih; tokkel rabe.