Daaniyel 10:19 - NABUWWA KEE MALIKWA

¹⁹ Too waqdi yok iyyeemih, ‹Yalli kaxxam koo kicnahak, atu tuk mameysitin. Yallih nagayna ko'lih tanayak, niya haysitaay digga inxic› yok iyye. Usuk ah iyye waqdi anu nagay ekkeh; kaak exceemih, ‹Intam faxxam inxicey, away nagay yoo abtek› kaak exce.

Daaniyel 10:19 ပူးပေါင်းရင်းမြစ်များ

Yasaqya 35:4

Meysita marak, «Sin Dagelti yanik, mameysitinay ayti kibba haa» inxica. «Yalli sin wada'gidih, sin qaxat gaceleeh, umam siinil baahe mara digaalele» keenik inxica.

Yasaqya 41:10

Tonna'mmay anu sin lih anik, mameysitina. Sin Dagelti yook, niya siinik addigille waytay. Qande siinit heeyyooh sin cateyyo. Inni gabay qadaalat lehiyyat sin dacriseyyo.

Yasaqya 41:14

Yalli iyyemii: «Israayil ummatey, qunxaah boola le marah tantoonum siinik aaxigeh immay cato akak geytaanam, yooy kudduusuk yan sin Dagelta kinnihiyya kinnuk, mameysitina. Sin wadeeni, yooy kudduusuk yan sin Dagelta kinni.

Daaniyel 10:18

«Sahdayti ceelo luk yen malaykatti kaadu qagisak gabah yoo xageh, too waqdi xagar yok qande baahe.

Daaniyel 9:23

Atu Yalla kallactam qimbisse waqdi, Yalli woo kallaci koh oggoleh. Yalli kaxxam koo kicnah; tonna leemiik anu away atu abte dooqa Yalli kok oggolem koh warsa'gidih emeete. Taway Yalli Ermiyaas yuybulleemik maqna koh warseyyo'mmay, nagay yoo ankacis.

Caggay 2:4

Taway ugutay xisne qimbisa. Niya siinik rade waytay. Wakalih anu sin lih anik, xiso qimbisa.

Zakariyya 8:13

Yuuda kee Israayil maraw, duma yan saaku allî-baaxoh mari titta abaara waqdi, ‹Yuuda kee Israayil tibbixe bala sin tabbaxay› 'yaanam tittak axcuk sugen. Takkay immay a saaku tohuk sin cateyyo. Toh axcuk suge mari, ‹Yalli Yuuda kee Israayilit hee barkat siinit haay› akak inxicca iyyan barkat siinit heeyyo. Tonna kinnuk agiira takkeeniih meysi cabtaanam siinil tan» iyye.

Zakariyya 8:9

«Yi Qibaadah Qari nammeyhaak xisoonuh rakiibô-xaa heen saaku, nabuwwa sin lih edde yabteh sugte yab a saaku nammey haak yaabbe maraw, agiira takkeenim siinil taniih, niya siinik fayya 'tay. Tah intam yoo YALLAY Nabaamak Nabahiyya.

Yoosuwa 1:9

‹Agaagul akak cabay a taamal digga xic› 'yaanam amrih kol oobiseh; tama amri hawweene waytam kol tan. Anu *YALLAAY; ku Dagelta kinniyooh; elle gexinnaan ikkel ko'lih ani'mmay mameysitinaay; niya kok baxaqe waytay» kaak iyye.

Makaabon 6:23

YALLI kaak iyyeemih, «Wagri ko'lih yanay. Marabtak, mameysitin» kaak iyye.