Daaniyel 10:16 - NABUWWA KEE MALIKWA

¹⁶ Sarrak sahdayti ceelo luk yen malaykatti sokto gabah yok xageeh; too waqdi yaabam duudeh. Foocal yok soolak suge malaykattuk exceemih, ‹Yi goytaw, a wacyiy ublehiyya kaxxam yoo biyaakeemih sabbatah boolaateh an.

Daaniyel 10:16 ပူးပေါင်းရင်းမြစ်များ

Yasaqya 6:7

Too waqdi woo urta xibcintot sokto yok xagga heeh, iyyeemih, «Taway taham sokto kok xagteeh; tahak wadir edde sugte umaane kok katteeh; abte dambik qafu geyteh» yok iyye.

Ermiyaas 1:9

Sarrak YALLI gaba yi fanah ruubeeh, feerah sokto yok xage. Too waqdi yok iyyeemih, ‹Edde yabtu wayta yab afat kok haah an.

Yacedkel 1:26

Qari-amo-celtaamak daga, safir deqsita luuluk bicsen korsiy malik elle daffeya celtahiyya uble. Too korsih amol sahdâ-ceelo lem daffeyah uble.

Yacedkel 3:27

Sarrak akah sugte'nnah af geytu wayta waqdi, yoo YALLAY Mulki lehiyya ko'lih yaabeyyooh, anu kok inxicca axcem keenik axcetto. Marak garab yab kok aabbeleeh; marak garab yab yaabbe mara hinnaay, ken lih yabta yab kanah kok mahaysitan» yok iyye.

Yacedkel 33:22

Carra woo num yamaatek dumal, YALLIH gaba yol gacah yoh tumbulle. Saaku too num yol yamaatek dumal, akah suge duudak YALLI af yoo geysiiseh. Tohuk wadir yaabay affaruk sugehiyya yaabam qimbise.

Daaniyel 12:8

Usuk iyyem maxcok oobbeh immay maqna akak macediyyo. Tonna leemik, ‹Yi amoytaw, ahim inkih mannal gaba kalele?› exce.

Daaniyel 4:19

Daaniyel tah yoobbe waqdi wariggiteeh, dago waktit iyyam magenna. Malik kaak iyyeemih, «Beltasaxxaraw, a soonok intu waytaamak mameysitin» iyye. Too waqdi Beltasaxxar kaal gacseemih, «Malikow, a soono edde yabtam koo hinnay ku naqboytiitit takkem faxak en!

Daaniyel 7:15

«Yoh tu gactek, too wacyiy ublehiyya kaxxam yoo wariggiseh kinni'nna aaxige cineh.

Daaniyel 7:28

«Ublem tama gide. Tohuk lakal anu innih kaxxam meysiteeh, fooci yok burraaciteh. Ubulla heem inkih baguh raaqise.»

Daaniyel 8:15

Anu ta wacyik maqna aaxigem faxak suge waqdi, garciik numtin ceelo lem foocal yok soolah uble.

Daaniyel 8:17

Too waqdi Jibriil yemeeteh, xaqut yok soole. Anu too waqdi kaxxam wariggiteeh, baaxol gommoh rade. Jibriil too waqdi yok iyyeemih, «Atu cagal bani-adantu kinnito'mmay, ahamak maqna ixig. A soono edde yabtam, ellecabô-wakti» iyye.

Daaniyel 8:18

Usuk yaabak suge waqdi, baaxok bagul afah radeeh inni kasat maraaqiyyo. Too waqdi xabba yoo heeh yoo ugse.

Daaniyel 8:27

Anu tohuk lakal dago ayroora boolaateeh, biyaakitak suge. Sarrak ugutta exceh, malik yoo edde hee taamah gexe. Takkay immay ta wacyik gexxaamah, cisabbootiyyat sugeeh; usuk elle yani'nnih adda cedu effereh.

Daaniyel 9:21

Anu too dooqat an waqdi, Jibriiliy duma soonoh ublehiyya haadak anu elle ani'kke fan yemeete. Usuk yemeetem carri-barih sadgat edde aban waktik ten.

Yoosuwa 5:14

Woo numuuy, «Woo marak num hinniyo. Anu akkel YALLIH qaskarih abbah an» kaak iyye. Too waqdi Yoosuwa kay massakaxxah moyya baaxol xagga heeh, iyyemii, «Anu yi abbaw, ku naqasu kinniyok, maca yok aba intaah?» iyye.

Makaabon 13:8

Tohuk lakal Manowac YALLA kallaceeh dooqa abeeh, iyyeemihii, «Goytaw, ku maganak atu rubte ku numuu, awki yaabuke saaku abnu waynam neh warsa'gidih, nel kaa gacis. Yi Goytaw, nel kaa gacis» iyye.

Makaabon 6:13

Too waqdi Gidqoon YALLIH malaykattuk iyyeemih, «YALLI ne'lih yenek, annah tanim net akah takkem maca kot celta, yi amoytaw?» kaak iyye. «Ni kaxxa abbobti neh warisseh sugte qagabah taniimiy YALLI abeh iyyeenihiyya kee, Masrik ken elle yeyyeeqe'nnay neh warseenihiyya maca tekke? YALLI maqal net aalle cineeh; Miidiyan marih xukkot yan mara nee abe» iyye.

Makaabon 6:15

Too waqdi Gidqoon iyyemii, «Yi amoytaw, anu Israayil mannal catah an? Manassek, anu akak an exxa, kedok inkih boolah gacca 'ya maraay; anu kaadu inni buxah marak inkih gaca num kinniyo way, mannal ken catah an?» iyye.