Daaniyel 10:1 - NABUWWA KEE MALIKWA

¹ Kooris Fursi-malik yekkeemih sidiica sanat yekke saaku, Daaniyelil farmo temeete. Malik, Daaniyelih migaaqah Beltasaxxar yeyyeeqeh suge. Kaal temeete farmo nummâ-farmok tene'mmay, xayih edde radoonu duudan farmok mananna. Yalli woo farmok maqna wacyi gurral kaa yuybulle.

Daaniyel 10:1 ပူးပေါင်းရင်းမြစ်များ

2 Aydaad 36:22

Duma Nabi Ermiyaas, «YALLI annah tanim abele» axcuk edde yaabeh sugem numma takke'gidih, Fursi-malikiy Kooris deqsitahiyya edde dardaare naharsitto sanatat, isi baaxol enna 'ya marah farmo warsaana'gidih, sinam ruube. Kaadu, warkatal too farmo yuktubeh ruube. Toh abaamih fayxi kaat haytem, YALLA.

Qedra 3:7

Tonna leemiik, Fursi-malikiy Kooris migaq luk yenehiyya Israayil marak «Aba» elle iyye'nnal, Lubnaan rasuk Yaffa deqsitta magaala fan *sariidâ-coox badal baahen. Sarrak too sariidah meklah darooy, qinabak bicsen kamri kee caxâ xaylok bicsen *zeyti (saliid) Suur kee Sayda deqsitta namma magaalal yen mara fan ruuben. Xisne aba mara kee xisnê-coox yaysorooroce marah cawalah lakqo yaceen.

Qedra 4:3

Darabbabel kee Yaasuwa kee raqqa inte Israayil-abbobti keenil gacisseemih, «Sin kee nee titta lih qari xisnam neh midnisinta. Fursi-malikih yan Kooris nee elle amrise innal, numtin cato faxe'kal, YALLAY Israayil doore Dagelta kinnihiyyah qari ninnih xisenno» keenik iyyen.

Qedra 4:5

Fursih doolatih abbobti a taama abe ken akah kalta'nnah, guqul keenih yeceen. Kooris kee Daryawes dardaarinnih waktil, oson elle ackamuk sugen baaxol abbobtih suggu 'ye marah guqul acayuk, a qarih xisok ken elle yayseeden malat gacen.

Qedra 6:14

Nabi Caggay kee Qiddó-Zakariyya ken aydikumusak, Yahuud marih idoola kaadu is le kabuk, Yallih Qibaadah-Qarih xisnet tisissikeeh, meqe'nnal taamitak xisen. Israayil doore Dagelti elle amrissa hee innal, tonnah kaadu, Fursi deqsita rasuk malikwah ten Kooris kee Daryawes kee Artacsasta deqsitta malikwa keenik elle inxicca 'yen innal, Israayil doore Dageltah-qari xiseenih, gaba kalen.

Qedra 6:3

«Malik Kooris malik edde yekke sanatat amri yeceeh iyyeemih: Yarusalaamal yan Yallih Qibaadah-Qariy yiddigillehiyya sadgatah saq elle qidaana'gidih, nammeyhaak xisaanama. Too qarih rakiibo haanama. Yallih Qibaadah-Qari xisan waqdi fayyah lactam cusul kaa abaanama. Baguh kaadu lactam cusulih gide kaa abaanama.

Yasaqya 44:28

Kooris deqsita numih giddinaamak, ‹Usuk yi aftok baaxo xiinisele› 'yaanam axce. ‹Anu aba kaak axcem abele. Yarusalaam magaala nammayhaak akah xissinta innah amri aceele. Yallih Qibaadah-Qarih-rakiibo xisele› 'yaanam axce» iyye.

Daaniyel 1:17

Yalli woo affara numuh falsafat kee kitaabal tunkuttubeemih ixxiga keenih yecee. Toh lih kaadu Yalli Daaniyelih suwaawur kee soonok maqna elle yaaxige'nna kaah yecee.

Daaniyel 1:21

Daaniyel Malik-Kooris deqsita malik Baabelon rasul dardaare saaku fanah doolat taamal elle suge.

Daaniyel 1:7

Malik gubal taamita num woo marah qusba migaq yeyyeeqe. Migaaqah keenik, Daaniyel deqsita numuk, Beltasaxxar iyyeeh; Cananyak Sadrak iyyeeh, Misaayelik Meesak iyyeeh, Qadarya deqsita numuk Qabednago 'yaanam keenih yeyyeeqe.

Daaniyel 10:14

Away akah emeetem, sarra yan saaku ku marat takku waytam koh warsa'gidi. Ah sarra takku waytaamih wacyi› yok iyye.

Daaniyel 11:2

Qagseh iyyeemih, ‹Anu taway koh warisu waam numma. « ‹Ahak sarra Fursi-rasul sidiica malik reedele. Keenik lakal yamaatu waa fereyhaytô-malik gaddaliinoh keenik inkih aysele. Usuk leh yan qande kee gaddaliinok gexxaamah, Giriik xintot qeebi abam faxele.

Daaniyel 12:4

«Kaadu yok iyyeemih, ‹Daaniyelow, ama kitab alifay ellecabo edde takke wakti fanah alifay asta edde hayis. Mango mari takkeemih maqna yaaxige'gidih, kaxxam taqabelon› iyye.

Daaniyel 12:9

Too waqdi usuk yok iyyeemih, ‹Daaniyelow, aham ellecabô-wakti yakkem fanah uqurat sugteh, num aaxige waama.

Daaniyel 2:21

Kulli wakti tamlikem kaa; malik abtaah kaltam Yalla. Kas le marah kas taceem kaa; numuh ixxiga taceem kaa.

Daaniyel 4:8

Ellecabol Daaniyeliy anu migaaqah Beltasaxxar akak excehiyya yol xayyoowe. Too migaq akak geem, anu liyo yalla. *Kudduusuk tan yallitteh roocaaniyya kay xagarat tan. «Anu kaak exceemih,

Daaniyel 5:12

Num aalle waa kas kee ixxiga leeh; soonok maqna warisuh dudda akah le. Missilak kaadu maqna yaaxigeeh, sirrih taniimik maqna yafdige. Too numuh farmo rub. Kaak migaq Daaniyeli. Malik migaaqah Beltasaxxar kaah yeyyeeqeh suge. Usuk ahamih maqna koh warsele» kaak inte.

Daaniyel 5:17

Daaniyel kaal gacseemih, «Anu mattaco faxam mayyu immay, gersi marah taceek muuma. Tonna'mmay malikow, akkel tunkuttubem kee teetik maqna koh warseyyo.

Daaniyel 6:28

Daaniyel, Daryawes kee Koorisiy Fursih yooboke dardaarinni-dabaanal, kullim gabal akak bicta num yekke.

Daaniyel 8:16

Uulay-weeqaytu le kabuuk, «Jibriilow, ama yubleemih maqna kaah waris» inta xongolo oobbe.

Daaniyel 8:26

A wacyiy carri bar kee maaca aban sadgat edde abe waan waktik ko'lih edde yaabeenihiyya nummak maacisele. A wacyil tanim sarrah yan dabaanal akkelek, tuktubem alifay alif asta edde hay» yok iyye.