Daaniyel 1:19 - NABUWWA KEE MALIKWA

¹⁹ Malik yakkeenimik inkih ken lih yaabeh immay, gersi marak inkih Daaniyel kee Cananya kee Misaayel kee Qadarya yossokoote. Tonna-leemiik doolat-taamat culen.

Daaniyel 1:19 ပူးပေါင်းရင်းမြစ်များ

1 Malikwa 17:1

Eliyyas deqsita nabiy Gilqad deqsita rasuk Tisba deqsitta magaalal yenehiyya malik-Acab fan yemeeteeh kaak iyyemii, «YALLAY waaraah Israayil doore Dageltah yanihiyyay anu naqasuh akak anihiyyah migaaqal xiibitah ani immay, anu ahaysa, rob amaatele siinik axceemik dumal, namma sanat akkiiy sidooca sanat akki guffa haam fanah baaxol naafi magaca; rob marada» kaak iyye.

Ermiyaas 15:19

Too waqdi YALLI yol gacsemii, «Yol tuduurek, koo gacseyyooh, uxih inni naqasu koo abeyyo. Maqna sinni yaabat yaabe waytaah, sinaamah tuxxiq le farmo warissek, uxih yi nabiy akah sugteh koo gacseyyo. Ellecabol sinam elle tamaate numuy sinam fanah gexe waahiyya koo abeyyo.

Daaniyel 1:18

Keenih heen wakti gufe waqdi, malik gubal yan num woo furrayna inkih malikil xayyoose.

Daaniyel 1:4

Ta mari yi qarih addal taamita'gidih, xagar qax-maqaane leeh hebeltoh ayma aalle waa maray kas kee cubbiiy ixxiga kee baritto lehiyya yakkeenim faxxinta» iyye. Asfanad, Baabelon marih af kee woo afat tunkuttubem, too mara barsam faxximta.

Daaniyel 1:5

Toh lih kaadu malik iyyeemih, «Anu elle akme aracak maaqo kee qinab-kamri keenih acuyaay, sidiica sanat nagay ken barseenik lakal, doolat-taamat ken culusa» iyye.

Daaniyel 1:6

Tohuh dooren marak addat, Daaniyel kee Cananya kee Misaayel kee Qadarya deqsita maray Yuudâ-kedoh yoobokehiyya edde yen.

Daaniyel 1:7

Malik gubal taamita num woo marah qusba migaq yeyyeeqe. Migaaqah keenik, Daaniyel deqsita numuk, Beltasaxxar iyyeeh; Cananyak Sadrak iyyeeh, Misaayelik Meesak iyyeeh, Qadarya deqsita numuk Qabednago 'yaanam keenih yeyyeeqe.

Daaniyel 2:13

Tonna-leemiik malik amrisem kay gubal yan marah ascassuk yiysixxige. Rabaanamih cokmi elle aben marat loowoh, Daaniyel kee kay kataysis yesgelleenih yenen.

Daaniyel 3:29

Hay, taway, anu sin aysixxigeemih: Faxe baaxoh num yakkuu, hinnay faxe nasabak yanuu, hinnay kaadu, faxe afah yaaba num takku, a sidiica numih Dagelta xaafek, iba kee gabal kaa argiqeyyooh buxa kaak abuuruh cabeyyo. Ken Dageltih innah cata gersi yalli mayana» iyye.