Daaniyel 1:15 - NABUWWA KEE MALIKWA

¹⁵ Tabna ayro suggu 'yeenik lakal, qaafiyat kee qandeh malik-buxah-maaqo yakme marak aysuk sugen.

Daaniyel 1:15 ပူးပေါင်းရင်းမြစ်များ

Daaniyel 1:14

Woo numuuy, usuk kaa esserem tabna ayroh gideh keenih oggoleh.

Caggay 1:6

Buqreh mango daro qiddaanah, dagoom akak orbissan. Maaqo buxal allih, cayya akak mantan. Qinabak bicsen kamri geytaanah immay akak cayya mantan. Sartan litoonuh immay woo sartan waacak sin macata. Taamittaanah immay akak geytan lakqo booha lee giibit gacteh gide.

Caggay 1:9

Tohuk kalah kaadu keenik iyyeemih: «Tubquren baaxok mango daro geettoonum tekkeleeni'mmay, dago daro siinih orobte. Geyteenim buxah orbissaanam tekkelen way caacayat siinik ruube. Toh siinik akah abem maca siinit celtaa? Yi qari abuuruh garil siinik yaniih, isin isinni qarwah bicsah agxittaanam siinik ubleeh; toh siinik uble waqdi, tamah siinil baahe.