Cabakkuk 2:17 - NABUWWA KEE MALIKWA

¹⁷ Lubnaan rasul sugte garbo tirgiqeenih immay a saaku sin argiqelon. Too garbol sugte alluwwa qiddeenimih sabbatah, a saaku alluwwa sin meysiisele. Tah inkih siinit akah takku waytam, sahdat abak sugten qidim kee baadal enna 'ya mara kee baadal enna 'ta magaaloolit abak sugten dirki kee umaaneh sabbata.

Cabakkuk 2:17 ပူးပေါင်းရင်းမြစ်များ

Ermiyaas 50:14

«Baabelon marat qeebi abu waa maraw, qeebih bical gaca. Maro keenit haa. Gaysê-baxak elli haytaanamak tu macabinay Baabelon mara edde qida. Baabelon umam yol bahtek, gaysê-baxa teetit haa. Yoo YALLAL umam bahte.

Ermiyaas 50:28

Ankacisa! Baabeloonuk kude mari Siyon fanah yamaateh yan! Tokkel, duma Yallih Qibaadah Qaril baaheenimih caneh, YALLAY ni Dageltah yanihiyya Baabeloonul baaheemit yaabeloonuk, ken ankacisa.

Ermiyaas 51:24

«Tonna'mmay Israayil maraw, isinni namma intih abalih, Baabelon-mari Siyoonul baahe umaanek gexxaamah, ken digaaleyyo. Tahat yabtam yoo YALLA» iyye.

Yacedkel 28:16

Duyye limo kee aylammiyyat taamah gacteeh; toh baatilit koo asisseeh too baatil dambi kol yekke. Ahak gexxaamah, dacrisak yen malaykattow, taahirik tan yi qale koo cabsiiseh. Woo liliq iyya xeetih fanak koo eyyeeqe.

Yacedkel 31:16

Too caxa dite le kabri oobe marat tengele saaku, is radde waqdi abteh ten xongoloh mango baaxoh mari gilite. Inkih tan Qadanal suge coox kee, leek meqe innah allaggoowak suge Lubnaan cooxuy woo boodo fanah oobehiyya, a caxah raddem yublen waqdi ruffu iyyen.

Ayyuqel 3:19

Masri bacarih tan baaxo akkeleeh; Edom tu elle aabuke wayta foyyah tan baaxo akkele. Toh akah takku waytam, oson Yuudâ rasu yibbixeenih, teetil sugte masaakiinah yan mara qiden.

Cabakkuk 1:17

Annal magid fanah mara foyyaysak, sugoonu waanah yanin! Baaxooxa racmatta maleh bayisak ma gide sugelon?» iyye.

Cabakkuk 2:8

Mango baaxoh mara buubteeniih, mango baaxoh mara qidden. A saaku too marak saaboh raaqe mari sin buubele. Tah siinit akah takku waytam, sahdat abak sugten qidim kee baadal enna 'ya mara kee baadal enna 'ta magaaloolit abak sugten dirki kee umaaneh sabbata.

Zakariyya 11:1

Lubnaaney, afa fak! Sarid cooxuy ku addal yanit gira gexxa'gidih afa fak.