Cabakkuk 2:15 - NABUWWA KEE MALIKWA

¹⁵ Sin naqbi kamri inna le. Cuggaaneh siinik tan baaxooxah marah, kamri taceen. Qaybik radak qasunuk qawrat keenik yambullee'gidih kamrit ken taskirisen. Woyyow siinit takku waytaamow!

Cabakkuk 2:15 ပူးပေါင်းရင်းမြစ်များ

2 Samuwel 11:13

Too waqdiiy Dawud afxagoh kaa arcibiseh kaa yiskirise. Takkay immay too bar kaadu xiinih buxa morbinnay, malik gasot dacayrih tan qaskarih aracal xiine.

Yasaqya 28:7

Seekaay nabuwwa abte sikratah ibi keenik lagaggaq iyya. Kamrit aben sikratih taagah annikissuk yandafoofolen; baditak gita malit radan. Nabuwwa kamrit tiskireh tan. Suwaawuruy oson yableenit radoonu cineenih; yefferen. Seeka kaadu kaxxam tiskire; sinam amoh keenik bahta yab mekloonuuy kuroonu yefferen.

Yasaqya 28:8

Maaqô-mingilwa alliyot baysen. Abcise'kah cabeenim matan.

Yasaqya 5:22

Qinab kamrih agiiray! Yesgellen kamrih maqabah sin aleltam matana'mmay, woyyow, siinit takku waytaamow!

Ermiyaas 25:15

Ermiyaas qagissa heeh iyyeemih, YALLAY Israayil doore Dagelta kinnihiyya, «Ermiyaasow! Ayka, a kobbaaya beyay anu koo elle ruuba maral ucuy. Ama kobbaaya kibuk akak tanim yi naqabu'mmay, tama naqabuk ken afqetto.

Ermiyaas 51:7

Baabelon yi gabat tan dahab kobbaayah bis luk ten. Inkih tan addunyal yan mara too kobbaayal yan kamrik tefqeeh, too marat moyya gexxe.

Hosiqa 7:5

Malik xigla edde abe ayro, kaal malse mari kaa kee kay gubal tan abbobti qinab-kamrit iskirra 'teh hangi keenik akah gexa innah aben. Usuk kaal malse mari abah yan anqaasat gaba yessegelle.

Cabakkuk 2:14

Bad kibuk akah yan innah, baaxol yan mara kaadu YALLIH nabnah ixxiga duudele.

Cabakkuk 2:16

Migaq elle luk sugten baaxol qaybi sin abbixele. Isin kaadu kamrit iskirra 'teenih qawrat siinik ambulleele. YALLAK migdi gabat tan digaalah kobbaayak aaqubetton. Too waqdi, a saaku liton migaq-gexxoh aftok qaybi sin abbixele.