Cabakkuk 2:13 - NABUWWA KEE MALIKWA

¹³ Sinam foyyah taqabta. Oson abba heenim inkih girâ-gadda takke. Ah absissem, YALLAY Nabaamak Nabahiyya.

Cabakkuk 2:13 ပူးပေါင်းရင်းမြစ်များ

2 Samuwel 15:31

Dawud, «Acitoofal Absalaam marat yengele» 'yaanam yoobbe waqdi, YALLA kallaceeh, iyyemii, «YALLAW, Acitoofal fayu foyya ab» iyye.

Yasaqya 50:11

Takkay immay gira isih urusa maray isi ifoytal gexahiyyaw, isinnih ifsen gititte gexa! Takkay immay, ellecabo siinik finqa. Aham siinik abtu waytam yoo YALLA.

Yasaqya 55:2

Sin cayise waytaamat lakqo macah finqissan? Satqat akak raqtoonu waytaanamat geytan duyye mabaysina. Yi yab oobbeyaay anu siinik axcem aba; tonnal kulliimik tayse maaqoy niya siinik ruffu edde inta geetton.

Ermiyaas 51:58

YALLAY Nabaamak Nabahiyya iyyemii, «Baabelon magaalat maroh tan kaxxa gasoosa addigillele. Baabelon magaala akak culan kaxxa afoofit gira ruubelon. Tonna leemiik ummatta edde taqabba 'tem foyya akkele. Edde cawalak bicissa heenim, girâ-gadda keenik akkele» iyye.

Ermiyaas 51:64

Too waqdi, ‹Baabelon, YALLI teetil baahu waa umaaneh, too warkatih innah, suteleeh, wadiriik muugutta› 'yaanam inxic» kaak iyye. (Sinam isih is taqbissa.) Ermiyaas yab tama ikket yaade.

Malaaki 1:4

Qiisok rade maray migaaqah Edom deqsitahiyya, «Ni magaalooli baateh immay ahak sarra tet xisenno» iyyaanam takkeh immay, YALLAY Nabaamak Nabahiyya keenik iyyaamah, «Xisaanamah wadir bututtukku keenik heeyyo. Ummat keenik intu waytaamah, ‹Edom-mari makari leela; YALLIH naqbi ken amok makata› axcelon».