Ayyuqel 3:16 - NABUWWA KEE MALIKWA

¹⁶ YALLI Siyon qaleh amok lubak innah xongolele. Kay xongolo Yarusalaamak antaabbele. Qaran kee baaxo axaxitele. Too saaku YALLI isi ummat dacriseleeh; reebu keenih akkele.

Ayyuqel 3:16 ပူးပေါင်းရင်းမြစ်များ

Yasaqya 33:21

YALLAY Misliino le tokkel ni amo wagtele. Mango weeqaytuy darah gexahiyya le magaala akkele. Takkay immay kaxxa maraakib elle magexa.

Yasaqya 42:13

YALLI, celem gaaduh elle gexa'nnal, gaaduh gexele. Carbih gexa num elle gexa'nnal, bagcarritak gexele. Qeebih tirtirisak naqboytiitik aysele.

Yasaqya 51:16

Qaran fidisak, baaxo elle solta rakiibo bicisak, Siyon-marak, ‹Isin yi mara kinnitoonu› axcuk, inni farmo afat siinik heeh inni gabat sin dacrise» 'yaanam iyye.

Ermiyaas 16:19

Too waqdi anu excemii, «YALLAW, qande yot haytam koo. Umaanek reebu yoh takkem koo; gadaamak eleelitam koo. Baadal tan ummatta baaxô-maggaraqak koo fanah amaateleeh, ‹Ni kaxxa abbobti tu xiqe sinni xeet kee cooxuk bicsen duyyey yalla 'yeenih yaqbudeenihiyyak sah gabat midirih tu luk masuginnon.

Ermiyaas 17:17

Gadaamita saaku wadbah liyom kook; cunxo yot maqidin.

Yacedkel 38:19

Too saaku Israayil rasul ibak gibdi baaxoh angoyyi akkelem inni bagcarray gibdihiyyah addat aybeleeleqeyyo.

Hosiqa 11:10

Anu lubak innah xongolu waa waqdi, yi mari axaxitak ayrô-culmaak yoo fanah amaatele.

Qaamus 1:2

Qaamus iyyeemih, «YALLI, Siyoonuk lubak xongoloh innah tan xongoloh xongoleeh, Yarusalaamak kaxxa xongoloh xongole. Woo xongolo tontoobbe waqdi, saqi alooluk suge qayso inkih kafte. Karmel qaleh amol coox kee anxaxuk sugtem inkih kafte» 'yaanam iyye.

Qaamus 3:8

Lubak gardam yaabbe way meysite waa num mayan. YALLAY Mulki le yaabe waqdi, kaak yoobbem ummatah warse waa nabi mayan» 'yaanam iyye.

Naacum 1:7

Maqaane YALLI imi. Isi mara gadaamal cata. Kaa wadbita mara dacrisah.

Caggay 2:6

Kaadu qagseh kaak iyyeemih, « ‹Xayi waktih addat uxih qaran kee baaxooy bad kee bacari asgayyeyyo.

Caggay 2:7

Baadal tan doolatwa asgayyeyyooh; luk sugen gadda keenik akke bahha heeyyooh; yi qari gaddaliinok kibbiimele.

Zakariyya 10:12

Inni marat qande heeyyo. Yoo aqbudeloonuuh, yi yab aabbelon. Tahat yabtam yoo YALLA» iyye.

Zakariyya 10:6

«Yuudâ mara maqar bahsiiseyyo. Israayil ummat umaanek cateyyo. Keenih xuwaawaah; tohih sabbatah ken baaxo ken gacseyyo. Duma keenil baahem edde hawwenna haan maqaane keenih abeyyo. YALLAY ken Dageltah yanihiyya kinniyooh; yoo fanah aban dooqa keenih oggoleyyo.

Zakariyya 9:12

Yol kibaal haa maraw, ahaysa reebu edde geytan arac fan uduura. Taqabik abba hayteenih gidek muxxi barkat siinit heeyyo.

1 Samuwel 15:29

Waara YALLAY Israayil doorehiyya diraabat mayaabaay iyyeemit mayaduura. YALLI, sahdayti innah, waqdiiy tu m'iyya» kaak iyye.