Ayyuqel 2:28 - NABUWWA KEE MALIKWA

²⁸ «Sarrak kulli maral inni Roocaaniyya oobiseyyo. Siinik lab-xaylo kee say-xaylo yi farmo sinaamah warsele. Idoola siinik soono sooniteleeh; furrayna siinik sirri innah tanim ablele.

Ayyuqel 2:28 ပူးပေါင်းရင်းမြစ်များ

Yasaqya 32:15

Takkay immay sarra yan saaku, *Yallih-Roocaaniyya baaxol oobeleeh, bacarih tan baaxo baqurê-baaxo akkele. Baaxol niqmat gaceleeh mango murti orbele.

Yasaqya 40:5

YALLI le nabna kee migaq, ambulleeleeh, qaddoowele; ummat inkih tet ablele. Taham YALLI isih iyyeemi; dumaak xagna akah culeemi» 'yaanam inte ta xongolo.

Yasaqya 44:3

Macaay inteenik, bakaaritte baaxo allaggoyseyyo; kafinuk sugte baaxol lee darah ruubeyyo. Sin xaylol inni Roocaaniyya oobiseyyo; siinik radda 'ye marat barkat heeyyo.

Yasaqya 49:26

Siinit xukkuta mari titta akmeloonuuh; sittak caxen qabala yaaquboonu waan waqdi, kamri yooqobe marih innah askirelon. Too waqdi baadal eneyya 'ya mari, anu YALLA kinniyom aaxigele. Sin wadaah xixxibaanek sin yeyyeeqe Dagelta kinniyom aaxigelon. Yaqkuub-Dageltay cayla le kinniyom aaxigelon.»

Yasaqya 49:6

Tonnal annah yok iyyamaa; «Yi naqasow, Israayilik baatik raaqe marak inkih, luk sugen nabna gacsaanam, ku gabat absiise liyo. Wohuk kalah tayse taamay muxxo leeh giffa lehiyya ku gabat absiise liyo. Baadal inkih tan ummatah ifu kee noori koo abeyyo; Wadoot kee catotta akketto. Toh ku gabat absiiseyyo» yoo doore Dagelti yok iyyah yan.

Yasaqya 54:13

Ku addal tan ummatta abtu waytam innih ken barseyyooh, meqe manooy amaanah ken xiiniseyyo.

Ermiyaas 23:25

Qagseh, «Ama nabuwwa kinnino iyya mari edde yaaba yab aabbeeh, garci akak mayyu. ‹Aham Yalli soonol nee yuybullee› iyyan.

Ermiyaas 23:28

Soono yuble num, ‹Anu wonnah tan soono uble›, axcuk, yuble soonot yaabek faxeemi'mmay, ‹Yallih wacyi yol oobe› axce waama. Wonna hinna'mmay, nummah yok kaal obte farmo tekkek, qaduk keenih warsaamaay nummat ken lih yaabaama. Caffa kee daro inkim hinna. Tahat yabtam yoo YALLA.

Yacedkel 36:27

Inni Roocaaniyya siinit heeyyo. Siinil ecee amri kee madqa duudusa mara sin abeyyo.

Yacedkel 37:14

Inni ufuy siinit heeyyo. Rooci siinit gacseyyo. Tohuk lakal isinni baaxol dabaaqah gacetton. Too saaku yooy YALLAH yani abeyyo iyyam duudusa Dagelta kinnim yok aaxigetton. Tahat yabtam yoo YALLAY Mulki lehiyya› keenik inxic» iyye.

Yacedkel 39:29

Israayil marat inni Roocaaniyya heeyyo. Tahak wadir darre keenit macaba. Tahat yabtam yoo YALLAY Mulki lehiyya» iyye.

Daaniyel 7:1

Baabelon baaxok malikih yen Belsaxxar edde dardaare sanatat, Daaniyel bar qarkaytol deerih yan waqdi, soono kee wacyi innah tanim yuble. Soonoh yublem warkatal yuktubeh raaqise.

Zakariyya 12:10

«Dawuduk rade mara kee Yarusalaam marat racmatta tacee roocaaniyya heeyyo. Dooqa ken absissa roocaaniyya keenit heeyyo. Yooy mudeenihiyya wagtoonu waan waqdi, inki baxa xale num woo baxih rabah rookah yassaalle'nna assaallelon. Naharsi-baxi akak rabe num kaxxa weeqah elle weeqa'nnal weeqelon.

1 Samuwel 19:20

Too waqdi kaa yaxayu waa mara kaah ruube. Woo mari, Samuwel foocat akak yan nabuwway butta takkeey nabuwwah innah yabtah xongoltahiyya yublen. Yallak keenil obte *Roocaaniyya too mara kaadu timlikeeh, too waqdi Saawul ruube mari woo marat yengeleeh, kaadu nabuwwah innah yaabakaay xongolak yenen.

1 Samuwel 19:21

Saawul toh yoobbe waqdi gersi mara ruube. Too mari kaadu naharsi marak kaxxih too marat yengeleeniih, nabuwwah innah yaabakaay xongolak yenen. Kaadu sidochaytô gabah sinam kaah ruubeeh too mari kaadu dumî-mari abem abe.

1 Samuwel 28:6

Too waqdi, «YALLAW, maca aboo?» axcuk, YALLAL fayu essere. YALLI tu kaal magacisinna. Soonol kaal gacsem maliiy, hinnay kaadu, *Urim kee Tummim kabuk kaal gacsem maliiy, nabuwwâ kabuk kaal gacsem mali.