Ayyuqel 2:27 - NABUWWA KEE MALIKWA

²⁷ Too saaku Israayil maraw, sin lih aniyom yok aaxigetton. Anu YALLA kinniyooh, sin Dagelta kinniyom aaxigetton. Yok sa Yalla alle waytaanam aaxigetton. Ahaysa sinam sin mabursutta.

Ayyuqel 2:27 ပူးပေါင်းရင်းမြစ်များ

Yasaqya 12:6

Siyoonul geytima maraw, qililisa; ruffa 'xica. Israayil doore Dageltay *kudduusuk yanihiyya yan. Ni fanat tanim kaa kinni. Nabna leeh, muxxo lem kaa» 'yaanam axcuk too-ayroora Yallih mari Yallih migaq fayliseleeh, saarisele.

Yasaqya 44:3

Macaay inteenik, bakaaritte baaxo allaggoyseyyo; kafinuk sugte baaxol lee darah ruubeyyo. Sin xaylol inni Roocaaniyya oobiseyyo; siinik radda 'ye marat barkat heeyyo.

Yasaqya 44:8

Takkay immay yi ummatey, isin mameysitinaay cunxo sin abbixe waytay. Dumaak siinih warseeh, sin oysoobbeemil yi sumaq siini. Yok sa Yalli maay yan? Mayan. Anu aabbe wee yallay reebu sinaamah yakkehiyya mayan» iyyah yan.

Yasaqya 45:18

Macaay inteenik, YALLAY qaran gineh baaxo kaadu gineh, tet bicseeh tet daabiseeh, foyya tet maabinnay sahda dabaaqah elle gacta arac tet abehiyya isih iyyamaa: «Anu YALLA kinniyo; yok sah yalli mayana.

Yasaqya 45:5

YALLI dibuk yooy; yook sah yalli mayana. Atu yoo mataaxiga'mmay, qande kot heeyyo.

Yasaqya 45:6

Toh akah aba sabab liyo. Toh macaay intek, addunyak ayrô-mawqaay ayrô-culma takke baaxol yan mari Yalli dibuk yoo kinnim yaaxige'gidiiy, yok sa Yalli ane waam yaaxige'gidi.

Yasaqya 46:9

Dumî dabaanal tekkem kassa mahaytaana? Toh kassa haay, yok sa Yalli mayanam ixiga. Yook sah yi bis lem matana.

Yasaqya 49:23

Malikwa, abbobtih inna siinih akkeleeh; malikwah-agbi inonti siinih akkele. Massakaxxah gommoh siinih radelon. Isinni ayqunxuk, sin aynabelon. Tonnal anu YALLA kinniyom aaxigetton. Yol kibalsita numuk niya margiqa» iyyah yan.

Yasaqya 53:6

Gitak hoxe illih innal nen. Gitak honxeh, makot genxe; ninnih fanxem abak sugne. Nakkeemiik, tikka 'nah gidek nel amaatuk ten digaalah, YALLI ni aftok kaa digaale. Nanu edde asneh sugne dambi YALLI kay amo yeyyeeqe.

Yacedkel 37:6

Ramoodaay cadoyta kee arab xagaral siinih gacseyyo. Rooci siinit gacissa heeh aynuwwee sin liyo. YALLA kinniyom too saaku aaxigetton› keenik inxic» iyye.

Yacedkel 39:22

Israayil mari tohuk wadir YALLAY ken Dagelta kinniyom yok aaxaguk raaqele.

Yacedkel 39:28

Too waqdi yi mari anu YALLAAY; ken Dagelta yoo kinnim aaxigelon. Ah elle yaaxigoonu waanam, duma innih seewah ken ruubeeh a saaku wadir gaabossa ken heeh, num keenik cabe'kal, inkih ken rasu ken gacsaamal yok aaxigelon.

Yacedkel 39:29

Israayil marat inni Roocaaniyya heeyyo. Tahak wadir darre keenit macaba. Tahat yabtam yoo YALLAY Mulki lehiyya» iyye.

Ayyuqel 2:26

Ahaysa maaqoh takmeenim mawaytaanaay cayyetton. YALLAY sin Dagelta kinnihiyyay a axxul le maqaane siinih abe faylisetton. Yi mari ahaysa bursuten mara mayakka.

Ayyuqel 3:17

«Too saaku Israayil maraw, anu YALLAY sin Dageltah yani kinniyom yoh aaxigetton. Anu elle anim, Siyon qaley taahirik tani kinnim aaxigetton. Yarusalaam taahirik tan magaala akkeleeh; afak temeete qaskarih gabat maradda.

Xafanya 3:11

«Too saaku, yi maraw, duma yol bahten yabti-cinak gexxaamah mawacarriytan. Macaay inteenik, kaxxiina kee anaani le mara bayseyyo. Tohuk wadir isin yi qaley taahirik tanihiyyal kaxxiinah qubbuy m'intan.

Xafanya 3:17

YALLAY ku Dagelta kinni ko'lih yaniih, koo waklisa. Yallih cayla nasri geetton. YALLI sin assakootele. YALLI siinih le kacanuh, qusba manoh xiine liton. Ummat qiidit tassa elle intaah, wallitak ruffa elle inta'nnal, YALLI siinih le kacanuh, qililisak, tassa axcele. YALLI siinik iyyaamahaa: «Aysa baati sin mageyta; ahaysa qaybik maraddan.

Zakariyya 2:9

Gaba keenil qideyyooh; keenih taamitak sugte ken naqoosa ken buubele. Toh keenit takku wayta saaku, YALLAY Nabaamak Nabahiyya yoo ruubem aaxigetton.