Ayyuqel 2:22 - NABUWWA KEE MALIKWA

²² Lac kee dubalway! Ahaysa mameysitinaay ruffu inxica. Qayso siinih aabukeleeh; caxa xaylo siinih xalelek. Mango sublah-xaylo kee mango qinab aabukele.

Ayyuqel 2:22 ပူးပေါင်းရင်းမြစ်များ

Yasaqya 51:3

Macaay inteenik, Siyon-magaalay abuuruh raqtehiyyah xuwaaweyyooh, niqmatak tan baaxo abeyyo. Bacari tekkeh sugte baaxo, Qadanal anu innih uysubuke bustaanih innah, gacele. Too waqdi ummat ruffu axceleeh africele. Yoo fayliseloonuuh, candu yoh gacselon.

Yacedkel 36:30

Coox-xaylo kee buqrek daro siinih aymaggeyyooh; tohuk gexxaamah, ummat addal qawratak sin qida qulul matablan.

Yacedkel 36:35

Tah yabalu waa mari, ‹A baaxoy bacari tekkeh sugtehiyya a saaku Qadan bustaan celteh tan. A magaalooliy buubba heenih bututtukku heenih abur abeenih cabeenihiyya, a saaku ummat elle gacteh taniih gasoosa maroh leh tan› axcelon.

Yacedkel 36:8

yi Israayiliy, qaleela ayyuufa siinih baaheleeh, caxâ-miru siinih xalele. Ahaysa isinni baaxo xayuk gacetton.

Yoonas 4:11

Hay, Nanawê magaalah addal bool kee labaatanni alfih numuy meqem kee umam baxse waahiyya yaniih, tonnah kaadu mango saqi elle yanik, anu mannal teetih qaade waah?» kaak iyye.

Caggay 2:16

siinit tekkem maay able waytan? Woo orbissen daro elle kobxissen arac gexxen saaku, too daro namma boolih kiilo akkelem elle akkaluk sugten ikkel, inki boolih kiilo akkuk siinih sugte. Qinab elle yaxmuumen aracal bool litri takke qinabay yuxmuumeenihiyya dagaak morootom litri akkuk siinih suge.

Zakariyya 8:12

Awayî-mari isi buqre amaanah abqurele. Qinab coox mango xaylo keenih xalele; baaxol mango daro keenih aabukeleeh, qaraanak rob radele. Ahaysa yi marak raqte saaboh too niqmat aceeyyo.