Ayyuqel 2:20 - NABUWWA KEE MALIKWA

²⁰ Kilbatak yamaate naqboyta siinik waaseyyo. Too macaxuk garab bacarih tan baaxo fanah siinik xiiriyeyyo. Foocat yan macaxu Rabe Badat qideyyooh, salafti macaxu Maditraaniyah badat qideyyooh; barugi keenik baaxo abcisele. Macaxi gibdim siinil baaheemih sabbatah, anu ken bayseyyo» iyye.

Ayyuqel 2:20 ပူးပေါင်းရင်းမြစ်များ

2 Malikwa 8:13

Too waqdi Cadayel iyyemii, «Anu tu'num hinniyok, a gideh takke qande mankek baaheyyo?» iyye. Eliisaq too waqdi kaak iyyemii, «YALLI atu Suuriyah-malik akkettom yoo yuybulle» iyye.

Yasaqya 34:3

Keeniy yusguudeenihiyyak lafa baaxot qidelon. Ken raysay baaxot qideenihiyya abicele. Qabal qaleelâ-baguk darah innah caxitele.

Yacedkel 47:18

«Ayrô mawqa le kabu raaqa cuduud akak ugtam, kilbat qaxat raqta exxay Damasko kee Cawran fanal geytintahiyya. Toh kaadu, Ordon weeqaytuy ayrô culmak Israayil rasu kee ayrô mawqak Gilqad rasih fanal geytinta exxat raaqahiyya. Tokkeek, Tamaari deqsita aracay Rabe badih xaqul geytimahiyya gufa.

Qaamus 4:10

«Duma Masrit ruube bala siinit ruube. Labha siinik carbit akah rabta'nnah abeeh, ken raysay baaxot qideenihiyya elle tiffidigen aracal uma'nnah abicte. Qeebi edde abtan faaris qeebi addat akah yabbixen innah abe. Hay, toh ubulla hayteenih yol maaduurinniton.

Zakariyya 14:8

Taham takku wayta ayro, Yarusalaamak addal sila le lee darah innah caxitele. Too leek garab Rabe Bad deqsita bad fan caxitele. Aki garab Maditraaniyah Badat angalele. A lee cagayaay, karma, way mataggiriqay darah oobele.

Malaaki 3:11

Tubquren daro qanayti-gadda akki siinik maha. Qinab xala cooxih ludwat qinab tiqu luk aabukele.