Ayyuqel 2:18 - NABUWWA KEE MALIKWA

¹⁸ Ellecabol YALLI isi baaxo kee isi mara akcinuk keenih xuwaaweeh keenih racmateh.

Ayyuqel 2:18 ပူးပေါင်းရင်းမြစ်များ

2 Malikwa 19:31

Macaay intek, Siyon-qale kee Yarusalaam-magaalah addak baatik saaboh raaqe mari anele. Taham YALLAY Nabaamak Nabahiyya keenih le kaxxa kacanuk gexxaamah abele» iyye.

Yasaqya 37:32

Macaay intek, Siyon-qale kee Yarusalaam magaalah addak baatik saaboh raaqe mari anele. Taham YALLAY Nabaamak Nabahiyya keenih le kaxxa kacanuk gexxaamah abele.

Yasaqya 42:13

YALLI, celem gaaduh elle gexa'nnal, gaaduh gexele. Carbih gexa num elle gexa'nnal, bagcarritak gexele. Qeebih tirtirisak naqboytiitik aysele.

Yasaqya 60:10

Qagisak teetik iyyaamah: «Koo inqibeeh koo digaaleh suge'mmay, koh liyoh an kacanu kee inni racmatta koo aybulleemih sabbatah, allak yemeete mari ku gasoosa xisele; ken malikwa ku taamat gacele.

Yasaqya 63:15

YALLAW, qaraanay taahiriino kee nabna luk elle tanihiyyak, nee fan wagit. YALLAW, nee waduh luk ten fayxi manke kok gexxe? Nee catuh luk ten qande maca tekke? Neh luk ten kacanu kee xuwaw maca yekke? Nee mamaaqilin.

Yasaqya 63:9

Ken taqabi kaa taqbiseeh, tonna leemiik luk suggu 'yen gadaamak ken yeyyeeqe. Ken waddem, malayka hinna YALLA ikkala. Keenih le kacanu kee isih le xuwaawak gexxaamah, ken cate. Dumî dabaanal kulli way amo keenik wagitak suge.

Ermiyaas 31:20

«Israayil ummatey, kulli marak kacanuh akah lafta xayloh yok tanin. Sin gide kacanuh numuh massalliyyo. Isin abtan umaanet yaabah immay, tohuh, sin kasa waqdi siinih xuwaawah. Afqado sin fanah liyooh siinih racmateyyo. Tah intam yoo YALLA.

Zakariyya 1:14

Too malaykatti, «A farmo ummatat qid» yok iyye. «YALLAY Nabaamak Nabahiyya siinik iyyaamah: ‹Anu Yarusalaam kee Siyon qaley teetil tani afqadook kiciyyooh; teetit umam takkem yoo biyaktah.

Zakariyya 8:2

«Yarusalaam magaala kaxxam kiciyyooh; teetih liyo kaxxa kacanih sabbatah teetil umam baaha mara anqibeh.

Makaabon 10:16

Sarrak aqbuduk sugen duyye baaxot qideenih, YALLA yuqbuden. YALLI Israayil marat yakke gibdaabina qansiise cineh.