Ayyuqel 2:17 - NABUWWA KEE MALIKWA

¹⁷ Yallih Qibaadah-Qarih adda akak culan culma kee sadgat elle aban aracak fanal, seekay YALLIH naqoosah-tani YALLAL weeqak dooqa abtaama. «YALLAW, isi marah xuwaw. Sahda nel asuule kalaay, sahda, ‹Sin Dagelti ankel yan?› axcuk elle qangaasalta mara nee maabin» axcuk dooqa abaanama.

Ayyuqel 2:17 ပူးပေါင်းရင်းမြစ်များ

1 Malikwa 6:3

Qibaadâ-Qari akak culan naharsi goli xexxaarah tabna cusul akkuk ten. Qibaadâ-Qari baguh labaatanni cusul takkeh, tonnah kaadu, a exxa inki gid takke.

1 Malikwa 9:7

tonnal a baaxoy anu doore ummattah tan Israayilih ecee sugehiyyak sin ayyaaqeyyo. A Qibaadah Qariy yoo elle taqbudeeni'gidih taahirroyse baaqid luk maraaqa. Israayil ummatta, kulli ikkek yamaate mari elle anqaasah burtan mara akkelon.

2 Aydaad 7:20

tonnal a baaxoy anu doore ummattah tan Israayilih ecee sugehiyyak sin ayyaaqeyyo. A Qibaadah Qariy yoo elle taqbudeeni'gidih taahirroysehiyya baaqid luk maraaqa. Kulli mari a qari yabloonu waan waqdi, anqaasah elle rabeloonuh, burtelon.

2 Aydaad 8:12

Suleeman YALLAH sadgat elle aban mansafay Qibaadâ-Qarik foocal bicseh yenehiyyak bagul, cado-akak-carrisan-sadgoota YALLAH abak yen.

Nacmiya 9:36

Ta saaku atu ni abbobtih tecee baaxol marin naqoosah nan. Atu neh tacee baaxoy meqe innah nee adoobisak tenehiyyal naqoosah nan. Taway taham neh maay table hay!

Yasaqya 22:12

Too ayro YALLAY Dagelta kinnih, Nabaamak Nabahiyya iyyemii, «Weeqaay boogisa. Amo isinnik moolaay sartanah *qabuddat gaca» 'yaanam siinik iyye.

Yasaqya 37:20

Tonna'mmay ta saaku YALLAW, ni Dageltaw, ta numih gabat rade nee kal. Ta numih gabak nee teyyeeqek, kok sa YALLAW, Yalli ane waam, baadal tan doolatwa inkih aaxigele» 'yaanam dooqah iyye.

Yacedkel 20:9

Takkay immay addal akak sugen marih foocal, ‹Masrik amaanah sin ayyaaqeyyo› 'yaanamal xagana keenih culeh suge. Tonna-leemiik, inni migaaqih taagah inni naqabu keenil oobisaamak wadir eedeh.

Yacedkel 8:16

Sarrak Qibaadâ-Qarik adda le kabut raaqa daarat fanah yoo bee. Tokkel, YALLIH Qibaadah-Qarih adda akak culan culma kee sadgat elle aban aracak fanal, labaatanna kee koona num yen. Too labaatanna kee koona numuu, qibaada qarit darre cabak, ayrô-mawqa fan qununnu 'yeh, tawqeh tan ayro aqbuduk yenen.

Hosiqa 14:2

YALLAL uduuray, a dooqa Yallih garil oggol siinik geytay. Dooqah intaanamah, ‹Abba hayne dambi neh cab. YALLAW, sadgatah awurwa koh qidnaamak koo faylisnak, abnah nan dooqa nek oggol.

Ayyuqel 1:13

Hay tonnal, isin seekay sadgat elle aban aracih foocal taamittahiyyak, *qabuudut gacca 'xicay rookita. YALLIH Qibaadah-Qarih addal inkih yan bar rookitak xiina. Ahaysa Yallih sadgatah baahak tenen daro kee kamri gaba kaleh.

Ayyuqel 1:9

YALLIH Qibaadah-Qarih addal sadgatah acayuk sugen qinabak bicsen kamri kee daro gaba kalteh. Seekay YALLIH naqoosah tanihiyya abak ten sadgat ahaysa mageytaay, tohih sabbatah rookitan.

Qaamus 7:2

Too qanayti too baaxol ubukku 'teh anxaxxowwa 'tam inkih selli haam uble. Toh uble waqdi, dooqa abeeh exceemih, ‹YALLAW, Mulki le Dageltaw, ummat bahte dambik qafu keenih ab. Israayil ku ummataay; dago mara kinnoonuuh; tohuk gexxaamah ahak elle raaqan inna maloonuk, qafu keenih ab› 'yaanam dooqah exce.

Qaamus 7:5

Too waqdi dooqa abeeh, dooqah excemii, ‹YALLAW, Mulki le Dageltaw, ku maganah a gira bargus. Israayil ku ummataay dago mara kinnoonuuh; tohuk gexxaamah ahak elle raaqan inna maloonuk, a gira keenik bargus› 'yaanam exce.

Miika 7:10

Ni naqboytit aham isi intih ablele. Duma ‹YALLAY sin Dagelta kinnihiyya ankel yan?› axcuk suge maray Israayil marak naqboytiitih yaniih, nee qansarisak sugehiyyah nek gaca mara ken ablenno. Naqboytiitit kallah innah aaqitenno» iyyen.

Malaaki 1:9

Hay, taway seekay, tannah yan sadgat kaah ucuyak, «Yallaw, neh emeq» 'yaanamih dooqa abtan way, Yalli siinih mayamqa! YALLAY Nabaamak Nabahiyya isih, «Siinih mamqa» siinik iyya.

Yoosuwa 7:9

Kanqaan kee raqqa 'ye maray a baaxol yanihiyya inkih ta xaagu aabbeleeh; marot hayya nee heenih nakkeemiik nee qidelon. Isi migaaqih taagah yi Goytaw, tahak tuk teena ab» iyye.