Ayyuqel 2:11 - NABUWWA KEE MALIKWA

¹¹ YALLI kakkaqô-xaw xaawak isi qaskar amrisaah; kay qaskaray kay amri oggolta kaxxa manga kee qande le. YALLIH cokmih-ayro takku waytam nummaak gibdiimi. Tahak iyyi nuwwuk raaqa?

Ayyuqel 2:11 ပူးပေါင်းရင်းမြစ်များ

Yasaqya 13:4

Qaleh amok rada anay ankacisa. Mango maray gaaboowehiyyah anay kee, gaabowte doolatway waxqaxitahiyyak anay rada. Nabaamak Naba YALLI, mango qaskar qeebih bical haa.

Yasaqya 42:13

YALLI, celem gaaduh elle gexa'nnal, gaaduh gexele. Carbih gexa num elle gexa'nnal, bagcarritak gexele. Qeebih tirtirisak naqboytiitik aysele.

Yasaqya 7:18

«Too ayro YALLI Masri mari Niil weeqayti akak qimbisa ikkek kaaqayti innah edde yamaateeh; Assuuriyah mari kaadu isi baaxok diidaaleh innal edde yamaaten fooxay kaxxa asta keenih takku waytahiyya keenih abele.

Ermiyaas 25:30

Kaadu qagseh yok iyyeemih, «Taway kaadu keenit takku waytaamat yaabak, keenik intamaa, ‹YALLI qaraanak bagcarritele; kay dabqay taahirik yanihiyyah amook isi marat bagcarriteleeh, kaxxa xongoloh xongolele. Carbih gexa mari edde haa tirtirat heele. Addunyâ-bagul yan marat xongolele.

Ermiyaas 30:7

Kaxxam uma ayro amaatele. Too ayroh innah tan ayro way matamaata. Yaqkuubuk rade mari too ayro abam waagisele'mmay, tohuh rabak cattiimelon» iyye.

Ermiyaas 50:34

Takkay immay ken cattu waytam, inki celemi. Maa celemiiy inteenik, YALLAY Nabaamak Nabahiyya. Keenit tekkeemih adda isih wagtele. Baabelon mara amaan waysiisele'mmay, gersi mara inkih amaanah xiinisele» iyye.

Yacedkel 22:14

Anu koo digaalu waa saaku gaba yot maay gacsetto? Tahat yabtam yoo YALLAY Mulki lehiyya; excem duudusa Dagelta kinniyo.

Ayyuqel 1:15

YALLIH cokmih-ayro xayiih; woyyow, woo ayrot takku wayta baati! Nabna le Dagelti too saaku bala ruubele.

Ayyuqel 1:6

Mangah loowo sinni qanayti baaxo nek warare. Kaxxa qande loonuuh; moddin keenik afah lubak moddiinih gideey; qangabbi keenik moltâ qangabbi gide.

Ayyuqel 2:1

Baanta ugura. Taahirik tan Siyon Qaleh amook turumba kaayisa. Israayil ummatey, YALLIH cokmih-ayro xayih immay cunxita.

Ayyuqel 2:2

Too ayro baaxol data qamburreey gaanibiy kaxxa dite le radele. Casri sinni qanaytuy baaxol oobehiyyak gexxaamah, qaleeli amballayuk maraaqa. Tah duma akke wayteeh, sarra akke waytu waytam kinni.

Ayyuqel 2:25

YALLI siinik iyyaamah, «Qanayti siinik selli heem, wadir siinih gacseyyo. A qanaytih macaxu siinit rubtem, yoo YALLA.

Ayyuqel 2:31

YALLIH ayroy sahda akak meysitta kaxxa ayro kinnihiyya tamaateemik naharal, ayro dattooweleeh alsi qisih qabal innah gacele» iyye.

Ayyuqel 3:14

Loowo sinni mari Cokmi-Goloh addal yan. YALLIH cokmih ayroy xayihiyya elle takku waytam tokke.

Ayyuqel 3:16

YALLI Siyon qaleh amok lubak innah xongolele. Kay xongolo Yarusalaamak antaabbele. Qaran kee baaxo axaxitele. Too saaku YALLI isi ummat dacriseleeh; reebu keenih akkele.

Qaamus 1:2

Qaamus iyyeemih, «YALLI, Siyoonuk lubak xongoloh innah tan xongoloh xongoleeh, Yarusalaamak kaxxa xongoloh xongole. Woo xongolo tontoobbe waqdi, saqi alooluk suge qayso inkih kafte. Karmel qaleh amol coox kee anxaxuk sugtem inkih kafte» 'yaanam iyye.

Qaamus 5:18

Qaamus qagseh keenik iyyemii, «Isin YALLIH cokmih ayro qambaala maraw, woo ayro diteh tan ayro'kkal, meqe ayro hinnaay; woh abletton!

Qaamus 5:20

YALLIH cokmi yakku waa ayro ditek sah, ifi magacaay, baaxol kaxxa dite radele.

Qobadya 1:15

«Yoo YALLI kulli numul abeemih mekelu waa ayro xayih. Edomuh yooboke maraw, isin sinaamak abba hayteenim siinit akkele. Sin abini siinil aduurele.

Naacum 1:6

YALLIH naqabuk iyyi soolak raaqaah? Kay bagcarray girah innah urtahiyya iyyi yasseede? Kay naqbi kulli marat girah innah ura. Xeet kay foocal bokokah ballaaqe yakke.

Malaaki 3:2

Takkay immay usuk meqe saabun wasak elle kala'nnaay, giray birta tasiffiye innah amaatele. Tonna leemiik usuk yamaatu waa waqdi, iyyi sugam duudaa? Usuk yamballayu waa waqdi, kay foocal iyyi soolam duudaa?