Ayyuqel 2:10 - NABUWWA KEE MALIKWA

¹⁰ Ta qanayti yamaate way, baaxo axaxittaah qaran yangayye. Ayro kee alsal dite radda; cutuuka bar ifak maraqta.

Ayyuqel 2:10 ပူးပေါင်းရင်းမြစ်များ

Yasaqya 13:10

Cutuuka kee cutuukah-egla ifak maraqta. Ayro tawqe waqdi dattoowele. Alsa kaadu ifu cabele.

Yasaqya 34:4

Qaraanal tan cutuuka diyaayele. Qaran warkat innah xambaqimma 'yeh qellitele. Cutuuka, qinab xala cooxih caffa kee sublâ-xaylo caxak elle luqta'nnal, luuqele.

Yasaqya 5:30

Too qaskar Israayil marat, bad haffo baaha way dub elle iyya innal, keenit kaayoonu waan wakti amaatele. A baaxo wagga hayteenik, ditet yan maray abam waagisaah yankikkiqehiyya abletton. Qamburre ifu qellisele.

Ermiyaas 4:23

«Baaxo wagga hee waqdi, hebeltô-weelo luk manannaay baaxô-bagul tu mananna. Qaran wagga hee waqdi, qaraanal dite raddeh ten.

Ayyuqel 2:2

Too ayro baaxol data qamburreey gaanibiy kaxxa dite le radele. Casri sinni qanaytuy baaxol oobehiyyak gexxaamah, qaleeli amballayuk maraaqa. Tah duma akke wayteeh, sarra akke waytu waytam kinni.

Ayyuqel 2:31

YALLIH ayroy sahda akak meysitta kaxxa ayro kinnihiyya tamaateemik naharal, ayro dattooweleeh alsi qisih qabal innah gacele» iyye.

Ayyuqel 3:4

YALLI kaadu iyyeemih, «Suur kee Sayda kee *Filistiin maraw, maca yok abtaanam faxxan? Siinil baaheemih caneh yol gacissaanam faxxaanam maay liton? Faxxeenik, yi mogoy tammoysetton.

Qaamus 5:8

«Adal deqsitta cutuuka gintem YALLAAY; Malcino qaran bagul haytem kaa. Bartî lakal saaku gintaah, maaci lakal bar gintam kaa. Baddi lee qaran eyyeqqa hayteeh, wadir baaxol tet oobissam kaa. Cayla-leela bayissaah; reebuh lon gasoosa taggilem kaa. Toh YALLA kinnim ixiga.

Naacum 1:5

YALLIH foocal qaleeli kadiidimitah. Kooma kay foocal diyaytah. YALLIH garil baaxo axaxxah. Addunya kee addunyâ-bagul enna 'tam inkih axaxittah.