Ayyuqel 2:1 - NABUWWA KEE MALIKWA

¹ Baanta ugura. Taahirik tan Siyon Qaleh amook turumba kaayisa. Israayil ummatey, YALLIH cokmih-ayro xayih immay cunxita.

Ayyuqel 2:1 ပူးပေါင်းရင်းမြစ်များ

1 Aydaad 15:28

Tonnal Israayil ummatta takkeemiik, YALLIH Qahdih-Sandug too bical baaheeniih, Yarusalaam guffa haam fanah qililisakaay, baanta kee gaysaay giyaagib kee begenaay kirar aagaruk afracuk baahen.

Yasaqya 13:6

YALLIH ayro amaatelek, boogisa! Qande le Dagelti baati edde baahu waa ayro xayih.

Yasaqya 13:9

YALLIH ayro amaatele. Toh, Yallih-naqabuy kaxxam gibdi edde yakku waa ayroy racmatta sinnihiyya. Dambi elli haa mari inkih bayeleeh, baad abuuruh raaqele.

Yasaqya 2:12

Macaay inteenik, YALLAY Nabaamak Nabahiyya ayro le. Too ayrot qande leemiiy kaxxiina kee qubbuy intam inkih wacarroysele.

Yasaqya 66:2

Ahim inkih anu innih gineeh, tonnal tekke. Takkay immay anu kiciyyom, rammitaah dambik toobita maray anu excem yok meysitak oggolahiyya.

Yasaqya 66:5

YALLI iyyem kaak meysitak oggola maraw, YALLI siinik iyyam ankacisa. Siinik iyyaamah: «Isin imaan yol litoonumih sabbatah, sin marak garab sin yanqibeeh, agle siinik cina. Siinil anqaaseenih, ‹Siiniy yafrice nable'gidih, YALLI isi nabna yuybulleeh sin catay› siinik iyyan. Takkay immay oson isinnih qaybit radelon» 'yaanam iyyah yan.

Ermiyaas 16:10

« ‹Taham atu keenih warissu wayta waqdi, «YALLI annah tan kaxxa digaalah nee akah digaalam faxam macaay? Maca kaal bahnee? Sugay noysommeeh, ninni Dageltay YALLA kinnil bahnem macaay?» 'yaanam kok axcelon.

Ermiyaas 16:7

Kicinuk sugen num rabaamah, taqdiyyah sinam tittal matamaataay, rabe numih rabeynah maaqo titta lih mayakman. Numuk ina kee abba rabtaamah, taqdiyyah kaal yamaate num mageytima.

Ermiyaas 4:5

«Inkih yan rasul tan ummatta akah taabbe'nnah, Yuudâ-baaxol *baanta agura inxica. Xongolo fayya haay seeco aba; Yarusalaam kee Yuudâ-marak, ‹Titta fanah gacaay gaso maroh edde tan magaala fan kuda› inxica.

Ermiyaas 5:22

Anu YALLA kinniyok, macah yok meysite waytan? Yok foocal macah axaxite waytan? Bad edde yaade aracah qidde abe; bad too qiddek bisoh way mataba. Bad saacilik koram takkeh immay kaah heeh aracak taturra 'yeh bisoh magexa. Bad haffitaah xongolaamah, isi arac cabeh magexa.

Yacedkel 12:23

Keenik intaamah: YALLAY Mulki lehiyya tohumuk iyyam, ah teeti. ‹Ahaysa ama yab gexak maraaqa› iyya. ‹Wakti xayyooweeh, akkele iyyeenim akkele› keenik inxic» yok iyye.

Yacedkel 21:12

Bani-adantow, weeqaay, boogis. A seef bical akah yanim, yi mara kee ken abbobti sela'gidiiy qida'gidi. Yi mara kee ken abbobtih qaagitaanam maraaqinnak, boogew inxic; woyyow inxic.

Yacedkel 30:3

Intaamah, ‹Umaane edde takke ayro xayih. YALLIH abto edde tamballayu wayta ayro xayih; baadal tan ummatta gadaama edde tabbaxu waytaah, qamburre baaxo edde buultu wayta ayro xayih.

Yacedkel 33:3

Woo num naqboyti xayyoowem yable waqdi, ummatah garci kala'gidih baanta yaagure.

Yacedkel 33:6

Takkay immay dacayrih yan num naqboyta amaatih ubullaay astah baanta aagure wayya heek, tonnal naqboytit amma 'teh a marak tu qideenik, too mari isi uma-taamah rabele'mmay, too marih raba gaaxah yan numuk weeyyo.

Yacedkel 7:10

«Israayil mari edde bayu waa wakti yemeeteh. Umam tittal baahaanam temeggeh. Sahda kaxxiinah qubbuy inta.

Yacedkel 7:12

Wakti amah kaana; xayyooweh. Yi digaala kulli numul tamaatu waytaamih sabbatah, xaama num edde yafriceeh, yaylamme num edde qaada uddur akke waytam taaxigeenimi.

Daaniyel 6:26

Yi xintoh gubat yan maraw, kulli num siinik Daaniyel yaqbude Dageltak meysitaah kaa yassakaxxem siinil amrisa. Waara Yalli kaa kinniih; ummaan way waarele. Kay xinto way mabaata. Kay abbootan mayamurruqa.

Daaniyel 9:16

Nanu bahne dambi kee ni kaxxa abbobti abak sugte umaanek gexxaamah, Yarusalaam magaalak cuggaaneh yan mari Yarusalaam kee ku ummatta bursuteh. Goytaw, duma kulliimik nee catak sugte. Uxih Yarusalaam magaalah maral ahaysa isi kaxxa bagcarra xabbacos. Yarusalaam ku magaala. Is ku qaley taahirik tanihiyya kinni.

Daaniyel 9:20

Dooqa wohut mayseedeyinniyoy, qagseh innih abe dambi kee Israayil mari abba hee dambit inkih yaabeh; YALLAY yi Dagelta kinnihiyya isi qari akah suge'nnah gacsa'gidih, kaadu dooqa abe.

Hosiqa 5:8

Hosiqa kaadu qagseh iyyeemih, «Gibqal baanta ugura! Raamal turumba kaayisa! Beet-Awen deqsita aracal qeebih tirtirisa! Benyam maraw, qeebih ittikiya!

Hosiqa 8:1

YALLI kaadu qagseh iyyeemih, «Baanta nagay kaayisa. Qawi qaraanak raarisak elle yamaate'nnal, naqboytit baaxol raarisak yi marat tamaate. Yi ummat anu ken lih hee bica yol makteeh, anu aba keenik exceemit darre cabte.

Ayyuqel 1:15

YALLIH cokmih-ayro xayiih; woyyow, woo ayrot takku wayta baati! Nabna le Dagelti too saaku bala ruubele.

Ayyuqel 2:11

YALLI kakkaqô-xaw xaawak isi qaskar amrisaah; kay qaskaray kay amri oggolta kaxxa manga kee qande le. YALLIH cokmih-ayro takku waytam nummaak gibdiimi. Tahak iyyi nuwwuk raaqa?

Ayyuqel 2:15

Siyon qaleh amol *baanta ugura. Sahdak, «Qibaadah gaabooway soomuh gaca» inxica.

Ayyuqel 2:31

YALLIH ayroy sahda akak meysitta kaxxa ayro kinnihiyya tamaateemik naharal, ayro dattooweleeh alsi qisih qabal innah gacele» iyye.

Ayyuqel 3:14

Loowo sinni mari Cokmi-Goloh addal yan. YALLIH cokmih ayroy xayihiyya elle takku waytam tokke.

Ayyuqel 3:17

«Too saaku Israayil maraw, anu YALLAY sin Dageltah yani kinniyom yoh aaxigetton. Anu elle anim, Siyon qaley taahirik tani kinnim aaxigetton. Yarusalaam taahirik tan magaala akkeleeh; afak temeete qaskarih gabat maradda.

Qaamus 3:6

Carbi yaniimih warsah kaayisan baanta magaalah addal kaayisan waqdi, ah yaabbeh meysite waa num maay yan? Mayan. Yallih amri maleh magaalat umam takkem bictaa? Mabicta.

Qaamus 5:18

Qaamus qagseh keenik iyyemii, «Isin YALLIH cokmih ayro qambaala maraw, woo ayro diteh tan ayro'kkal, meqe ayro hinnaay; woh abletton!

Qaamus 8:2

Too waqdi YALLI yok iyyemii, ‹Maca table?› yok iyye. « ‹Kudaarak kibuk yan kafaq ableh an› 'yaanam exce. «Too waqdi yok iyyeemih: ‹Yi maray Israayilih yoobokehiyyah ellecabo gufteh. Tahaysa ken digaaleyyo ikkal, wadir akak maxca.

Qobadya 1:15

«Yoo YALLI kulli numul abeemih mekelu waa ayro xayih. Edomuh yooboke maraw, isin sinaamak abba hayteenim siinit akkele. Sin abini siinil aduurele.

Xafanya 1:14

YALLIH cokmih ayroy kaxxa ayro kinnihiyyah mamaata nabam xayiih, too ayroh mamaata sissikih. Too ayro uma weeqa abeloonuh, cunxitelon. Kaxxa agiirinna luk sugte labhak kinni way qeebil af awqeleeh, waagiselon.

Xafanya 1:16

Too ayro qeebi radu waamih astah *baanta amuggurele. Naqboyti-qaskar abtah tan tirtirah xongolo, inkih tan baaxol antaabbele. Magaalat maroh tan kaxxa gaso korelon; amo xer qarik amo korelon.

Xafanya 1:7

Mulki le YALLIH cokmih ayro xayih immay kay foocal tibba 'xica. YALLI too ayroh masgaada bicseeh, Yuudâ mara buubu waa marah seeco abeh.

Xafanya 3:11

«Too saaku, yi maraw, duma yol bahten yabti-cinak gexxaamah mawacarriytan. Macaay inteenik, kaxxiina kee anaani le mara bayseyyo. Tohuk wadir isin yi qaley taahirik tanihiyyal kaxxiinah qubbuy m'intan.

Zakariyya 14:1

YALLI cokmi edde abu waa ayro amaatelek ixiga. Too ayro Yarusalaam magaala buubelon. Siinik been duyye siinik foocal kurraasitelon.

Zakariyya 8:3

Yarusalaam yi magaalay taahirik taniiy; ahaysa kalbi tet fan gacseyyo. Innih teetil gaceyyo. Ahaysa Yarusalaam Imaan-Yallal-le-Magaala deqsitele. Anu YALLAY Nabaamak Naba; yi qale taahirik tan qale akkele.

Malaaki 4:1

«Yoo YALLAY Nabaamak Nabahiyya axceemih: Too ayroy gaba qidu waahiyya gexot tan. Too ayro kaxxiina leela kee uma-taama leela caffayti innah girat carrelon. Too ayro too mari cararra 'yeenih tu keenik maraqta.