Ayyuqel 1:18 - NABUWWA KEE MALIKWA

¹⁸ Laahi qululuh gardaah; elle alooluk yen niqmatak tan baaxo kafte. Illi kee wadar takme qayso mageyta.

Ayyuqel 1:18 ပူးပေါင်းရင်းမြစ်များ

1 Malikwa 18:5

Acab, Qobadyak annah iyye, «Gexay, qulul kee rabak ken catna'gidih, baakil kee faarisih qaysok tu geytam keh, buyyitte kee weeqayti dariifal gorrisey» iyye.

1 Malikwa 8:5

Malik Suleeman kee inkih tan Israayil ummat Qahdi-Sanduguk foocal solla 'yeenih, tokkel mangah loowo sinni illi kee laa sadgatah yusguuden.

Ermiyaas 12:4

Baaxo nek qabaarah kafte. Toobokeh sugte qayso kaffa karacca 'te. Lac yembexeeh, qaraanal haada haadaytih agantah tembexeh. Toh akah tekkem, tet addal yan mari aba uma-taama. Oson kaadu ‹Yalli nanu abnam mayabla› 'yaanam afak iyyan. Ta mara hay, ma waqdi digaaletto?» 'yaanam exce.

Hosiqa 4:3

Tohih sabbatah baaxo kafele. Baaxô-bagul sugga 'tem inkih boolaatak boolaatele. Alak alaakulleyti inkih ambaxele. Kimbir kee kullum selliimele» iyye.

Ayyuqel 1:20

Dubaali leê-waytih bakaarite. Lee akak aaqabuk yen buyyitte kafteh. Tohuk gexxaamah dubaali kinni way kol weeqa.

Qaamus 1:2

Qaamus iyyeemih, «YALLI, Siyoonuk lubak xongoloh innah tan xongoloh xongoleeh, Yarusalaamak kaxxa xongoloh xongole. Woo xongolo tontoobbe waqdi, saqi alooluk suge qayso inkih kafte. Karmel qaleh amol coox kee anxaxuk sugtem inkih kafte» 'yaanam iyye.

Cabakkuk 3:17

Subul xaylo xale waamah, qinab xaylo xale waamah, *daytuun xaylo xale waamah, daro neh orbe waytaamah, illik loyni yambaxeemih, wadar kaadu tambaxeemih, laahi buxah orbe waamah,

Caggay 1:10

Naafi akah rade waah, daro akah orbise waytaanam kaadu tohu.