Ayyuqel 1:15 - NABUWWA KEE MALIKWA

¹⁵ YALLIH cokmih-ayro xayiih; woyyow, woo ayrot takku wayta baati! Nabna le Dagelti too saaku bala ruubele.

Ayyuqel 1:15 ပူးပေါင်းရင်းမြစ်များ

Ermiyaas 30:7

Kaxxam uma ayro amaatele. Too ayroh innah tan ayro way matamaata. Yaqkuubuk rade mari too ayro abam waagisele'mmay, tohuh rabak cattiimelon» iyye.

Ermiyaas 46:10

Immay ta ayro, YALLAY Dagelta kinnih Nabaamak Nabahiyyah ayro kinni. Ta ayro YALLI cane edde gacisa ayro. Ta ayro YALLI isi naqboyta edde digaala ayro. Kay seef saabo cabba haanam fanah ken selele. Ken qabalak cayya 'yam fanah ken selele. Macaay inteenik, YALLAY Dagelta kinnih Nabaamak Nabahiyya, kilbatak Fuurat weeqaytih xaqul tan baaxol sadgatah ken qidele.

Yacedkel 30:3

Intaamah, ‹Umaane edde takke ayro xayih. YALLIH abto edde tamballayu wayta ayro xayih; baadal tan ummatta gadaama edde tabbaxu waytaah, qamburre baaxo edde buultu wayta ayro xayih.

Ayyuqel 2:11

YALLI kakkaqô-xaw xaawak isi qaskar amrisaah; kay qaskaray kay amri oggolta kaxxa manga kee qande le. YALLIH cokmih-ayro takku waytam nummaak gibdiimi. Tahak iyyi nuwwuk raaqa?

Ayyuqel 2:31

YALLIH ayroy sahda akak meysitta kaxxa ayro kinnihiyya tamaateemik naharal, ayro dattooweleeh alsi qisih qabal innah gacele» iyye.

Ayyuqel 3:14

Loowo sinni mari Cokmi-Goloh addal yan. YALLIH cokmih ayroy xayihiyya elle takku waytam tokke.

Qobadya 1:15

«Yoo YALLI kulli numul abeemih mekelu waa ayro xayih. Edomuh yooboke maraw, isin sinaamak abba hayteenim siinit akkele. Sin abini siinil aduurele.

Xafanya 1:7

Mulki le YALLIH cokmih ayro xayih immay kay foocal tibba 'xica. YALLI too ayroh masgaada bicseeh, Yuudâ mara buubu waa marah seeco abeh.