Ayyuqel 1:12 - NABUWWA KEE MALIKWA

¹² Qinab xala cooxuuy sublâ-coox kee rummaanat xala coox laqaymuumeh. Tamira xalak ten nakliita laqaymumte. Yakmen xaylo xala coox kee garbol yan coox inkih laqaymumma 'yeh kafe. Tohuk gexxaamah ummat abak sugte farcat gadaamat cabe.

Ayyuqel 1:12 ပူးပေါင်းရင်းမြစ်များ

Yasaqya 16:10

Mangom elle aabakuk ten baaxoh mari ruffa lem mali. Qinab elle aabakuk yen baaxoh mari gad abtam mali. Kamri akak bicsoonuh edde yaaqiten qinab mayana. Anu, oson wallitak abak yenen waxxaqto tibba hee.

Yasaqya 24:11

Qinab kamrih waytih ummat «Woyyow» axcele. Duma akkuk yen farcat amurruqele. Farcat kee ruffa ahaysa addunyal gaba kalele.

Yasaqya 24:7

Qinab xala coox kafele. Qinabak bicsen kamri waytimele. Tohuk gexxaamah duma farcatat suge mari qaadele.

Yasaqya 9:3

YALLAW, ken teyderreh mango mara ken abetto. Kaxxam ruffu ken heetto. Sahda buqrek daro orbissa waqdi kee dannabah orbiseenim kurrasitan waqdi elle wallitan gurral, ku foocal wallitelon.

Ermiyaas 48:3

Coronyim deqsitta magaalal yan marih weeqa ankacisa! Too marat takke baati kee finqak-gexxaamah aban weeqa ankacca haay!

Ermiyaas 48:33

Mooyab rasuy niqmatak yanihiyyal, Mooyab mari abak suge farcat kee raacat gaba kaleh. A saaku anu kamri-bicsiyyak ken kaleh; qinabak kamri bicsaah, farcatah gad abak yen mari mayanaay; gad elle abak sugen ikkel, rookat yanin.

Ayyuqel 1:10

Buqre elle abak yenen baaxol buqre matakkaay, baaxo foyyah raqta. Macaay inteenik, aabakuk ten daro bayteeh; qinab xaylo kaffa karacca inteeh; zeyti (saliid) akak bicsan xaylo xalak yen coox kafe.

Ayyuqel 1:16

Nubqure daro kee maaqo nek baatam nable. Yallih Qibaadah-Qaril akkuk yen farcat gaba kaleh.

Yoonas 4:7

Nammeyhaytoh ayro maaci maacise waqdi, Yalli amriseemih sabbatah, woo caxat xaariya raddeeh kafteh.

Caggay 2:19

Darok raqtem ane waytaah, qinab xala cooxuk raqtem ane waytaah, rummaana kee *daytuun kee *subla coox ahayduma xaylo xaleh suge waamah, ahak wadir barkat siinit heeyyooh, sin gaddaliseyyo» iyye.

Malaaki 3:11

Tubquren daro qanayti-gadda akki siinik maha. Qinab xala cooxih ludwat qinab tiqu luk aabukele.