Ayyuqel 1:11 - NABUWWA KEE MALIKWA

¹¹ Buqre aba maraw, boogisa. Qinab xala coox aysubukuk yen maraw, rookita. Macaay inteenik, kamadi kee gabru deqsitta darooy, wohuk kalah tan daro inkih bayte.

Ayyuqel 1:11 ပူးပေါင်းရင်းမြစ်များ

Yasaqya 17:11

Woo coox daabissen ayrok ciggilta ayrot yambeeh qobor baaha way, akak orbissaanam manton. Takkay immay gadaama kee akak ure waan biyak siinih baahele.

Ermiyaas 14:2

«Yuudah ummatta edde tanim rookitiyya; ken magaalooli edde tanim finqi adda. Yarusalaam ummatta gubbik bagul deerih gacca 'yeenih weeqat yanin. Yarusalaam mari catô-fayxih deero aban.

Ermiyaas 50:16

Ken baaxol daro qide kala. Tooboke daro orbe kala. Allî-baaxoh maray ken addal yanihiyya keenit tekkem yabalu waa waqdi, meysih isi baaxo aduurele» iyye.

Ermiyaas 9:12

YALLI a baaxo annal akah kafseeh num ibah elle gexu duude waa bacari akah tet abem macaay? Kasak dudda le numuy ahat radahiyya iyyaay? Aham gersi marah warsaana'gidih, YALLI naharal elle akah warseh suge mari maay yan?

Yacedkel 30:2

«Bani-adantow, takku waytaamat yab. ‹YALLAY Mulki lehiyya iyyaamah: Boogisay, «Woo saaku takku waytaamow!» axcuk, anay fayya hayisa› inxic.

Qaamus 5:16

«Tohih giddinaamak, YALLAY Nabaamak Naba Dagelta kinnihiyya iyyam siinih warisu waa. Gititteh addal sahda abta weeqa kee booge antaabbele. ‹Woyyow! Boogeew!› axcelon. Rookah aban weeqal yimixxige marah seecelon. Buqre abta buqre-abeenitih kinni way, rookat gaba yassagalleeni'gidih seecelon.