Ayyuqel 1:10 - NABUWWA KEE MALIKWA

¹⁰ Buqre elle abak yenen baaxol buqre matakkaay, baaxo foyyah raqta. Macaay inteenik, aabakuk ten daro bayteeh; qinab xaylo kaffa karacca inteeh; zeyti (saliid) akak bicsan xaylo xalak yen coox kafe.

Ayyuqel 1:10 ပူးပေါင်းရင်းမြစ်များ

Yasaqya 15:6

Nimrim garil yen buyyi kafeeh, woo buyyih xaqul toobokeh sugte qayso laqaymumteeh anxaxinimik tu maraaqinna.

Yasaqya 24:11

Qinab kamrih waytih ummat «Woyyow» axcele. Duma akkuk yen farcat amurruqele. Farcat kee ruffa ahaysa addunyal gaba kalele.

Yasaqya 24:7

Qinab xala coox kafele. Qinabak bicsen kamri waytimele. Tohuk gexxaamah duma farcatat suge mari qaadele.

Ermiyaas 12:11

Baaxo yok bakarroyta aben. Lac sinniih num sinni baaxo tet aben. Inkih yan rasi abuuruy sahda elle deedalta yekkeh; tohuk tu iyya mari mayan.

Ermiyaas 12:4

Baaxo nek qabaarah kafte. Toobokeh sugte qayso kaffa karacca 'te. Lac yembexeeh, qaraanal haada haadaytih agantah tembexeh. Toh akah tekkem, tet addal yan mari aba uma-taama. Oson kaadu ‹Yalli nanu abnam mayabla› 'yaanam afak iyyan. Ta mara hay, ma waqdi digaaletto?» 'yaanam exce.

Ermiyaas 48:33

Mooyab rasuy niqmatak yanihiyyal, Mooyab mari abak suge farcat kee raacat gaba kaleh. A saaku anu kamri-bicsiyyak ken kaleh; qinabak kamri bicsaah, farcatah gad abak yen mari mayanaay; gad elle abak sugen ikkel, rookat yanin.

Hosiqa 4:3

Tohih sabbatah baaxo kafele. Baaxô-bagul sugga 'tem inkih boolaatak boolaatele. Alak alaakulleyti inkih ambaxele. Kimbir kee kullum selliimele» iyye.

Hosiqa 9:2

Takkay immay ama away liton daro kee *daytuun kee qinab edde waytoonu waytan wakti maxeeri.

Ayyuqel 1:12

Qinab xala cooxuuy sublâ-coox kee rummaanat xala coox laqaymuumeh. Tamira xalak ten nakliita laqaymumte. Yakmen xaylo xala coox kee garbol yan coox inkih laqaymumma 'yeh kafe. Tohuk gexxaamah ummat abak sugte farcat gadaamat cabe.

Ayyuqel 1:5

Hay sakaaray, ugutay weeqa. Qinabak bicsen kamrit yiskire maraw, takkeenimiik boogisa. Qusba kamri akak bicissan qinab xaylo bayteeh finqitteh.

Ayyuqel 2:19

Ken dooqa oggoleeh keenik iyyeemih, «Tahak wadir, darooy, qinabak bicsen kamri kee caxâ xaylok bicsen *zeytik (saliidik) sin cayiseyyo. Tahaysa sahda sin mabursutta.

Cabakkuk 3:17

Subul xaylo xale waamah, qinab xaylo xale waamah, *daytuun xaylo xale waamah, daro neh orbe waytaamah, illik loyni yambaxeemih, wadar kaadu tambaxeemih, laahi buxah orbe waamah,

Caggay 1:11

Baaxooy, koomaamiiy, buqreh aroocaay, qinab xaylo elle taabuke aroocaay, *daytuun xala cooxuuy, baaxol ubukka 'taamay tankammehiyya kee, ummataay laa kee saqal inkih qabar ruubeyyo. Abtan taamak tu morbissan» inta farmo keenih ruube.

Malaaki 2:3

Siinik radu waa mara digaaleyyo. Ama sadgatah qiddan saqih gudaaqe foocat siinik duugeyyo. Guddaafa elle qidan aracat sin qideyyo.