Aster 9:26 - NABUWWA KEE MALIKWA

²⁶ Toh edde tekke ayroorak Fuurim qiidi akah iyyeenim, tohih sabbata. Mordakay yuktube warkat kee keenit tekkeemik gexxaamah, Yahuud-mari too ayroorak Fuurim-qiidi iyye.

Aster 9:26 ပူးပေါင်းရင်းမြစ်များ

Aster 3:7

Malik Ekserkas edde reede taban kee nammeyhaytô-sanatak inikhaytoh alsay migaaqah Niisan deqsitahiyyah addat, woo-elle-malsem edde-abeh-meqe-ayro yaaxige'gidih, ramli qide. Too ramlik migaaqah ken afat Fuurim axcuk yenen. Sarrak Yahuud mara edde qiduh, ramlih sanatak taban kee nammayhaytoh alsay Adar deqsitahiyya tewqe.

Aster 9:20

Mordakay tekkem inkih kitaabah yuktubeeh, sarra kaadu waraakit uktubba heeh Fursi-rasul enna 'ya Yahuud maray xeri'kke kee xayi'kkel yanihiyyah inkih ruube.

Aster 9:32

Aham diggoysa amriy Aster tuktubehiyya xambaqu le warkatal yuktubeenih yenen.

Yacedkel 39:11

«Toh inkih takku wayta saaku, Rabe Bad deqsita badak ayrô-mawqa le kabut raqta Safarah Gacan-Golo deqsitta goloh addal, Goog elle yaaguqeeni'gidih, arac aceeyyo. Goog kee kay qaskar too aracal aaguqeloonuuh; tohuk lakal sinam tokke safarah magacan. Too arac Goog le Mango Qaskarih Golo deqsitele.