Aster 9:21 - NABUWWA KEE MALIKWA

²¹ Too waraakitil ken yiysixxigeemih, Adar alsak taban kee ferey kee taban kee konoyhaytoh ayrot kulli sanatal qiidih asa.

Aster 9:21 ပူးပေါင်းရင်းမြစ်များ

Qedra 6:15

Yallih Qibaadah-Qarih xisnek, Daryawes deqsita malik edde dardaare laceyhaytô sanatak Adar deqsita alsak sidochaytoh ayrot gaba kalen.

Aster 3:7

Malik Ekserkas edde reede taban kee nammeyhaytô-sanatak inikhaytoh alsay migaaqah Niisan deqsitahiyyah addat, woo-elle-malsem edde-abeh-meqe-ayro yaaxige'gidih, ramli qide. Too ramlik migaaqah ken afat Fuurim axcuk yenen. Sarrak Yahuud mara edde qiduh, ramlih sanatak taban kee nammayhaytoh alsay Adar deqsitahiyya tewqe.

Aster 9:17

Tah edde tekkem, Adar deqsita alsak taban kee sidochaytoh ayrok ten. Taban kee fereyhaytoh ayroy ciggiltahiyya qidimik yeedeenih. Too ayro farcatak gacca 'yeenih qiidih asen.

Aster 9:18

Takkay immay Yahuuduk Suusa deqsitta kaxxa magaalal suge mari, too alsak taban kee konoyhaytoh ayro qiidih farcatak asen. Toh akah abeenim, taban kee sidochaytoh ayro kee taban kee fereyhaytoh ayrot naqboytiitih keenik suge mara selak suggu 'yeenih, taban kee konoyhaytoh ayrot qidimik yeedeenih. Too ayro qiidih asen.

Aster 9:20

Mordakay tekkem inkih kitaabah yuktubeeh, sarra kaadu waraakit uktubba heeh Fursi-rasul enna 'ya Yahuud maray xeri'kke kee xayi'kkel yanihiyyah inkih ruube.

Aster 9:22

Ta namma ayro Yahuud mari naqboytit edde bayse ayro; ta alsat akke raarte rooka kee niyâ-digloh aftok africuk kee ruffu edde iyyen ayro. Tonna-kinnuk tama namma ayro qiidih asaay, kulsa le maaqo tittah ucuya. Masaakiinah kaadu acwa ucuya 'yaanam elle tan warkat keenih ruube.

Aster 9:27

Yahuud mari isi kee isik rade mara kee Yahuud yekke maral inkih, kulli sanatal ta namma ayro, Mordakay elle inxicca 'ye innal, qiidih asaanam tohuk temeete.

Aster 9:29

Malikáh ten Aster warkat taktubeeh, too warkatal leh tan abbootanak ugutak, duma Mordakay yuktubeh suge Fuurim qiidih qaada akah maaqile waan innah keenil diggosse.