Aster 6:11 - NABUWWA KEE MALIKWA

¹¹ Haaman gexeh sartan kaah baaheh xagarat kaak heeh, sarrak farasat kaa hayya heeh, isih foocat kaak gacca 'yeh, magaalak gudet foocat kaak elle gexaamal, «Malik isih faxe numuh saraf elle aba'nna ubulaay» axcuk gexe.

Aster 6:11 ပူးပေါင်းရင်းမြစ်များ

Qedra 6:13

Too warkat ken gufe saaku, baaxoh abbah yen Tattanay kee Satar-Bodnay kee ken waday hununuh malik keenik aba elle iyye'nnal aben.

Aster 6:10

Too waqdi malik kaak iyyeemih, «Hay, tonnal isissikay gexay, woo warissa sartan kee faras bahha haay, tama massakaxxa Yahuuduh yooboke Mordakayah ab. Taway axcuk sugga 'tem inkih, elle inxicca inte innah, atu kaah ab. Yi qarik afal daffeyak koh sugelek, xayuk gexay, kok akah inxicca exce'nnah, ab» kaak iyye.

Aster 6:12

Tohuk gaba kalen waqdi, Mordakay malik qarik afa fan gexeeh, Haaman wacarriyih namma gaba amol luk isi buxah arduk yuduure.

Aster 8:15

Sarrak Mordakay kuclinan kee qidik yan ibak lifiq gufa kameesit gacca 'yeh, xagar meqe *baftak bicsen saroy qasdiiminan bis lehiyyak bicsen koot haysitta heeh, dahabak bicsen kalabtay kaxxahiyya amot luk, malikwa elle saritta'nnal saritta heeh, malik qarik yewqe. Suusâ gitittel kaa yublen waqdi, sahda kaxxam tifriceeh, qililiseenih.

Aster 9:3

Rakaakayittel doolat saqoltih yen maraay, ken xintoh abbobti kee malik taamak saqoltih yen mari inkih, Mordakay-meysik gexxaamah, Yahuud marih kabu gacen.

Yasaqya 60:14

Kot xukkutak yen marih xaylo amaatele; koo yassakaxxeeni'gidih gommoh koh radelon. Duma koo bursutak yen mari ku ibih gubat radeh, ‹YALLIH magaalay! Siyon magaalay! Israayil doore Dageltay *Kudduusuk yanihiyyah magaalay› 'yaanam axcuk koo diyaarelon.