Aster 4:14 - NABUWWA KEE MALIKWA

¹⁴ Annah taniimik tibba 'tek, Yahuud ummattah cato gersi ikkek amaateleeh, cattiimeloonu'mmay, koo kee ku abbak raaqe mari inkih ambaxele. Kaadu malik barra akah tekkem, tannah yan waktit tuk teena abta'gidi takkem bictah» 'yaanam farmoh teetih ruube.

Aster 4:14 ပူးပေါင်းရင်းမြစ်များ

2 Malikwa 13:5

Suuriyah marih gabak ken yeyyeeqe wadeena keenih ruube. Tonna-leemik Israayil mari dumak kaxxih amaanah gacen.

2 Malikwa 19:3

Malik keenil ruube farmo kaah warseeniih iyyeenimii, «Malik ku fanah farmo nel ruubeeh, nek iyyemii, Nabi Yasaqyak, ‹A saaki nek biyak ayrooy digaala net tekkeh tan. Addat akak nanim, qaybih taniimi; lacawat tan barray xaltu taffarehiyya nekkeh nan.

Qedra 9:9

Naqoosah sugne'mmay, kooy ni Dagelta kinnihiyya nee mamaaqilinnaay, ku kacanuy aggiriqe sinnihiyya nee dacrisak, Fursi-malik ni yab oggola num abte. Ku qariy yiddigilleh sugehiyya xisnuuy, akkel Yarusalaam kee Yuudâ-rasul amaanah xinna'gidih, akke nee ruubaamih taama too malikih gabat absisse.

Nacmiya 6:11

Too waqdi kaak exceemih, «Kudaah ambooqorem, yi migaq hinna. Inni roocih megloh Yallih Qibaadah-Qarit ambooqoreyyom kot celta? Mambooqora!» kaak exce.

Aster 2:15

Ayrok teena, malik fan gexaanam Asteril miduh temeete. Abicayil baxá Aster, Mordakayak qammih baxák ten. Tet teynebem, tet qammih yen Mordakay deqsita numuk ten. Aster yuble mari inkih tet yossokooteh. Is malik fan gexxe waqdi, Hegay deqsita seelabu-liy malik qarih addal agabu dacayrit yenehiyya teetik edde gaca iyye sartanat gacteh gexxe.

Aster 2:17

Malik tet yuble waqdi tet yikcineeh, gersi agabuk fula tet yossokoote. Gersi agabu kee baxuuwuk inkih teetih lafte. Sarrak malik-barrat haan dardaarinni-kalabta tet amot hee. Duma barrah luk suge Wastih aftok, tet malikáh haysite.

Aster 2:7

Too num nabam qax-meqe qammih baxáy migaaqah Aster deqsittahiyya luk yen. Qibraan qaadal migaaqah Hadassa teetih axcuk yenen. Tet xaleena rabte saaku, Mordakay is fan tet baaheeh isi baxáh innal tet yeynebe.

Aster 4:13

Asterih kaadu gersi farmo ruubeeh iyyemii, «Away malik buxah addal taniimih, Yahuudut tekkeemik nagay raaqettom makkalin.

Aster 4:15

Aster too farmo toobbe waqdi, kaadu too yaabal yab kaah rubte.

Yasaqya 49:23

Malikwa, abbobtih inna siinih akkeleeh; malikwah-agbi inonti siinih akkele. Massakaxxah gommoh siinih radelon. Isinni ayqunxuk, sin aynabelon. Tonnal anu YALLA kinniyom aaxigetton. Yol kibalsita numuk niya margiqa» iyyah yan.

Yasaqya 54:17

Tonna'mmay faxe silac kol baahu waam mali. Koo akah istikiyya hannaanimil, gacissu waytam geetto. Inni naqoosah acayu waam, tamah teeti. Anu keenih acee cakkik tanim, tamah teeti» 'yaanam iyya. Tamah YALLI iyyaama.

Ermiyaas 30:11

Anu sin lih aniih, siinit takkeemik sin wadeyyo. Ama fixixih sin elle abbixe baaxooxah mara inkih bayseyyo'mmay, sin inkitanuuk mabaysa. Adabi akak geytan digaalah sin digaaleyyo. Celta digaala siinit abeyyooh; annaak gexxoonay sin maxca. Tahat yabtam yoo YALLA» iyye.

Ermiyaas 46:28

Anu sin lih ani'mmay mameysitina. Ama fixixih sin elle abbixe baaxooxah mara inkih bayseyyo'mmay, sin inkitanuuk mabaysa. Adabi akak geytan digaalah sin digaaleyyo. Celta digaala siinit abeyyooh; annaak gexxoonay sin maxca. Tahat yabtam yoo YALLA» iyye.

Makaabon 15:6

Filistiin-mari ah abtem kinni mara esseren waqdi, ah abtem Samsoon kinnim yeexegeenih; akah abem kaadu, balli kaak barra Samsoon kataysah yeceemih abem yeexegen. Kay balli Timna deqsitta magaalah numuk ten. Tonna-leemiik Filistiin-mari gexxa 'yeh, woo barra kee tet abba carrisen.

1 Samuwel 12:22

YALLI isih, isi mara sin abuh sin dooreh, tohuk gexxaamah isi nabnah taagah sin macina.

1 Samuwel 17:29

Too waqdi Dawud saqalak iyyemii, «Away maca baaheeh? Essero kinni way esseram maduuda innaa?» kaak iyye.